#BirBax #Azerbaycan #sağlamlıq
"Bir Bax" kanalı Rüfət və Xəyalə Xəlilovlara məxsusdur. Əməkdaşlıq üçün aşağıdakı nömrə ilə əlaqə saxlaya bilərsiniz:
(+994) 55-554-58-83

Sağlam bir orqanizm üçün artıq yağlardan qurtulmaq çox önəmlidir. Bunun üçün nizamlı pəhriz proqramı tətbiq etmək ən yaxşısıdır. Məhz bu zaman qarşımıza “21 gün şəkərsiz qidalanma” pəhrizi çıxır? Bəs bu 21 günlük pəhriz nədir? ----
Adi karbohidratları tamamilə həyatımızdan çıxarmağı hədəfləyən “21 gün pəhrizi” arıqlaya bilməyənlərin deyərdim yeganə yoludur. Təbii ki, şəkərdən imtina etmək düzgün deyil. Amma müəyyən müddət onun istifadəsini dayandırmaqla sağlam həyat tərzi keçirmək mümkündür. Orqanizmin ehtiyacı olan qidaları və lifləri qəbul etmək üçün ən təbii şəkər qaynağı meyvələrdir.
“21 gün pəhrizi”nə başlamazdan qabaq psixoloji cəhətdən bu duruma hazır olduğunuza qərar verin. Çünki qidalanma vərdişlərinizi 3 həftə boyunca dəyişmək o qədər də asan deyil. Psixoloji möhkəmlik olmasa, bir yerdə pəhrizi pozacaqsınız.
Şəkərsiz keçən 21 gündə imtina etməli olduğunuz qidalar.
21 gündə yeyiləcək və yeyilməyəcək qidalar mübahisə mövzusudur. Ağ undan hazırlanan qidalar, nişasta, yarımfabrikatlar 3 həftədə “qadağan edilmiş qidalar”dır. Ümumiyyətlə, 21 gündə uzaq durmalı olduğunuz qidalar bunlardır:

1. Ağ un, düyü, makaron;
2. Xəmir xörəkləri;
3. Kekslər, peçenyelər kimi şirniyyatlar;
4. Duzlu və şirin krakerlər;
5. Emala məruz qalmış qidalar;
6. Yarıbişmiş makaronlar;
7. Dondurulmuş salatlar;
8. Dondurma;
9. “İçindəkilər” bölməsində əlavə şəkər olan qidalar;
10. Nişasta ilə zəngin qidalar ( kartof, şirin kartof və s.);
11. Hazır meyvə şirələri;
12. Kola və qazlı içkilər;
13. Kokteyllər;
14. İsti şokolad;
15. Aromalı kofe, süd və çaylar;
16. Şəkərlə dadlandırılmış içkilər;

Şəkərsiz keçən 21 gündə yeməli olduğunuz qidalar.
“21 gün pəhrizi”ndə hansı qidalara üstünlük verməyin lazım olduğu da mübahisələr yaradır. Çünki bu müddət ərzində orqanizm ehtiyacı olduğu qədər protein, karbohidrat və şəkər də almalıdır. Ona görə də, bu qidaları yemək önəmlidir:
1. Zeytun yağı və kərə yağı;
2. Süd, qatıq, ayran, pendir;
3. Yumurta;
4. Dana əti, toyuq əti, hindquşu əti;
5. Dəniz məhsulları;
6. Göyərtilər;
7. Mərcimək kimi paxlalılar;
8. Badımcan, balqabaq, təzə lobya;
9. Hind qozu;
10. Göbələk;
11. Avokado;
12. Kələm,kərəviz, brokoli, bolqar bibəri, xiyar, qulançar, pomidor;
13. Turp;
14. Limon;
15. Alma, ananas, armud;
16. Taxılkimilər: buğda çörəyi, çovdar çörəyi, buğda unundan hazırlanan makaronlar, yulaf əzməsi, kinoa, buğda yarması, qarabaşaq;
17. Kofe, çay və bitki çayları;
18. Xardal, ev sousları;
19. Sağlam şəkər qəbulu üçün gün ərzində 2-3 porsiya meyvə, 1 çay qaşığı bal, bəhməz, yaxud 10 qr sadə şokolad;

Şəkərsiz keçən 21 gün üçün qidalanma siyahısı:

1-ci gün:
Səhər yeməyi: 3 yumurta, 2 qaşıq yulaf əzməsi, ispanaqlı qayğanaq, pomidor, xiyar.
Atışdırmalıq: 1 ovuc istənilən mövsümi meyvə və ya 8 ədəd badam ləpəsi.
Nahar: 1 dilim kəpəkli çörək, bol göyərti ilə hazırlanmış ton balığı salatı.
Axşam yeməyi: 120-150 qr suda, buxarda, közdə yaxşı bişmiş ət və ya manqalda bişmiş tərəvəz.

2-ci gün:
Səhər yeməyi: 1 dilim buğda çörəyi, 1 ədəd soyutma yumurta, bol göyərti və 2 ədəd qoz ləpəsi.
Atışdırmalıq: 1 ədəd yaşıl alma.
Nahar: Limon suyu, zeytun yağı, duz və sarımsaq əlavə edilmiş noxud püresi (humus), kələm salatı və soyutma dana əti.
Axşam yeməyi: 3 qaşıq qarabaşaq, 100 qr soyutma toyuq əti, 1 stəkan ayran.

3-cü gün:
Səhər yeməyi: 1 stəkan süd, 1 çay qaşığı çia toxumu, 1 banan ilə hazırlanmış qarışım.
Atışdırmalıq: 10 ədəd fındıq ləpəsi.
Nahar: 1 kasa qatıq, zeytun yağlı təzə lobya.
Axşam yeməyi: Tərəvəz salatı və 150 qr balıq

4-cü gün:
Səhər yeməyi: 2 yumurta ilə hazırlanmış tərəvəzli qayğanaq.
Atışdırmalıq: 2 ədəd quru gavalı və kofesi.
Nahar: 1 qara undan hazırlanan yuxa, 1 porsiya soyutma quş əti, 2 dilim ağ pendir
Axşam yeməyi: balqabaq və makaron. Onları sobada birlikdə də bişirə bilərsiz

5-ci gün:
Səhər yeməyi: 1 ədəd kəpəkli buğda kökəsi, 2 ədəd soyutma bişmiş yumurta və yağsız pendir
Atışdırmalıq: 1 kiçik ölçülü banan.
Nahar: sobada bişmiş brokoli, gül kələmi, yerkökü qarışımı, 1 stəkan ayran.
Axşam yeməyi: 100 qr soyutma bişmiş dana əti, sobada bişmiş yarım şirin kartof, mövsümi tərəvəzlərdən hazırlanmış salat.

6-cı gün:
Səhər yeməyi: 3 xörək qaşığı yulaf əzməsi, 1 kasa süd, 1 ədəd qoz ləpəsi
Atışdırmalıq: 10 ədəd fındıq ləpəsi və ya bir ovuc mövsümü meyvə
Nahar: 1 stəkan ayran, 1 boşqab paxlalılardan hazırlanmış yemək.
Axşam yeməyi: 1 dilim qara çörək, sobada bişmiş zeytun yağlı balqabaq.

7-ci gün:
Səhər yeməyi: bol göyərtili, göbələkli qayğanaq.
Atışdırmalıq: 1 fincan südlü kofe.
Nahar: yarım avokado, 4 ədəd salxım pomidor.
Axşam yeməyi: bol göyərtili salat, 100-150 qram ət, 1 stəkan ayran.

свернуть