Толассыз жауған қар Елорданы қар құрсауында қалдырды. Қар құрсауында мектеп, ауруханалар, жеке секторлар қалып, қар жинайтын техникалар тоқтаусыз жұмыс жасауда. Қала тұрғындары мен еріктілер жағдайдың қиындығын түсіне отырып, коммуналдық қызметкерлерге көмек көрсетуде.
Осы ретте, Ел Президенті Қасым-Жомарт Тоқаевтың жариялаған Еріктілер жылы белсенді азаматтар арасында еркін көмек беруге қуатты серпін берді.
Мемлекет басшысы одан әрі корпоративтік еріктілер қызметінің дамуының маңыздылығын атап өткен болатын.
Мемлекеттік қызмет істері агенттігінің елордалық департаментінің ұжымы әлеуметтік желілерде іске қосылған #Бізбіргеміз челенджіне қолдау көрсетіп, қар жинауға шықты.
Мемлекеттік қызметшілер бірінші кезекте жеке секторда тұратын жалғыз басты қарт адамдарға қарды тазалауға көмектесті. Департаменттің қыздар қауымы, қазақтың қонақ жайлылылық дәстүріне сай, дастархан жайып, таңертеңнен ауа-райының қар жинауға шыққан жұмысшыларға ыстық түскі ас берді.

свернуть