squat
فى الفيديو دا هعلمك تعملى تمرين الاسكوات بالأداء الصحيح بتاعه من غير ما يسببلك آلام فى الركبه أو فى اسفل الظهر
وهقولك على كل الأخطاء إللى ممكن تقعى فيها وكمان ازاى تتجنبيها
وهتعرفى فايده تمرين الاسكوات ومدى تأثيره على عضلات الافخاد والمؤخره
-
تمرين الاسكوات من التمارين المركبه إللى بتشغل عضلات كتيره فى الجسم
وبيركز اكتر على عضله الرجل الاماميه و عضله المؤخره ودا مفيد لشد ورفع المؤخره
وكمان ليه ثأثير على عضله الرجل الخلفيه وسمانه الرجل وعضلات البطن والكور عموما
ويعتبر تمرين مفيد جدا لحرق الدهون وشد الجسم وبناء وتقويه العضل وخصوصا من الجزء السفلى للجسم
ولكن تمرين الاسكوات مش هو التمرين "السحر" إللى من غيره مش هتقدرى شدى رجلك
دا مش صحيح فيه تمارين كتيره تقدرى تشدى بيها الجزء السفلى من جسمك وتقسميه وترسميه كمان
ودا مش معناه انى بقلل من قيمه تمرين الاسكوات بالعكس تماما هو تمرين مهم
ولكن ضرره ممكن يكون اكتر من نفعه لو مقدرتيش تعمليه بأداء صحيح
لانه هيسببلك فى الالام فى اسفل الضهر وخشونه فى الركبه لو اتعمل خطأ
وهدفنا من الرياضه اننا نحسن صحتنا مش نهلكها
فاحنا بنختار إللى يناسب صحتنا وليقاتنا احنا مش إللى بيعمله غيرنا وخلاص
إتعلميه براحتك خطوه خطوه لحد ماتتقنيه صح ومتنسيش تعملي لايك واكتبي تعليق بملاحظاتك
