اَلْحَقَّ أَقُولُ لَكَ: لاَ تَخْرُجُ مِنْ هُنَاكَ حَتَّى تُوفِيَ الْفَلْسَ الأَخِيرَ!
يبدء بسمعتم انه قِيل لا تقتل، لماذا يبدء بالقتل؟
أولاً لإنه في الوصايا العشرة تبتدي اللوح التاني إذا اعتبرنأ ان أكرم اباك وامك تبع اللوح الأولاني، فأول اللوح التاني هيبقى لا تقتل وأول خطية بعد السقوط في الجنة كانت القتل في اصحاح 4 نقرا عن قايين قتل هابيل ، وأيضًا نقرأ عن لامك الذي يقول مفتخرًا فإني قتلت فتي لِشَدْخِي و رجلا لجرحي. إذًا القتل بدأ مباكرا جدا المسيح هنا مش بيقول لا تقتل ده كلام الناموس ده الحد الأدنى من متطلبات الله ، الله مش هيرضي بأقل من كدة مينفعش معاه أقل من كدة.

لكن أيه اللي يرضي المسيح؟
لا تغضب، يعني مش بس لا تقتل انه يتتبع الخطية من منبعها فزي ما هيتتبع الزنا من منبعه هنا بيتتبع القتل انت ليه بتقتل لأنك غضبت، أنا بقولك لا تغضب، من غضب أو استخدم كلمات جارحة ده كلام غلط، لإن القتل مبيبتديش بالقتل لكن بيبتدي بغضب ثم يتحول إلى رغبة في الإنتقام والقتل .

أما أنا فاقول لكم دي مش معناه انه بينسخ ما فات، لكن بيدي البعد التاني، كأن القتل ده ايوة يعني الحد الأدنى لمستوى الناموس ربنا بيقول متقتلش، لكن عايز اقولكم تعالوا شوفوا ايه اللي ممكن يؤدي إلى القتل وهو الغضب (مَنْ غْضَبُ عَلَى أَخِيهِ بَاطِلاً يَكُونُ مُسْتَوْجِبَ الْحُكْمِ، وَمَنْ قَالَ لأَخِيهِ: رَقَا ) يعني ايه كلمة رقا دي؟
كلمة رقا يعني مغفل، مبيفهمش أو تافه. احيانًا كتير احنا بنستخدم مثل هذه التعبيرات لكن علينا ان احنا ننتبه إن ربنا مبيحبش كدة وعلينا أن نحترم الناس، أكرموا الجميع زي ما بيقولنا الرسول بطرس في رسالته الأولى اصحاح 2.

يعني مرة يقول مستوجب الحكم ، مرة يقول مستوجب المجمع ، مرة يقول مستوجب نار جهنم. إلى أي درجة ممكن الغضب يؤدي إلى هذا المصير؟
يعني اللي بينكر جهنم! الذي تكلم عن جهنم و أطنب في الكلام عن جهنم كثيرا 11 مرة في الأناجيل متى مرقس لوقا، بيكلمنا عن جهنم هو الرب يسوع المسيح وبيقولنا هنا ان من قال يا أحمق يكون مستوجب نار جهنم. وللعلم اللي بيقول الكلام ده هو القاضي هو اللي هنقف قدامه وهيحاسبنا، هو بيقول كدة ، القانون بتاعه كدة التشريع كدة. ميجيش واحد تاني يقول حاجة تاني لإن ده كلام القاضي نفسه.

تابعونا على:
Facebook Page: [ Ссылка ]
Youtube Channel: [ Ссылка ]
Soundcloud Channel: [ Ссылка ]
Twitter: [ Ссылка ]
instagram:[ Ссылка ]
tiktok:[ Ссылка ]
Website: www.kolelketab.com
لينك الحلقة كاملة
[ Ссылка ]

свернуть