Елбасы Академиясының «BIRGE OQÝ» онлайн мектебінің басты мақсаты – оқушылардың тұрғылықты жеріне, оқу тіліне қарамастан сапалы білім алуына тең мүмкіндік жасау.
Мектептің ерекшелігі сол, еліміздің жетекші педагогтары ауылдың талантты жастарына арнап сабақ жүргізеді. Нақты айтқанда, НЗМ, елордалық лицейдегі және халықаралық мектептегі 73 оқытушы.
Олардың барлығы байқаулық іріктеуден өткен, цифрлық технологияларды қолдануда тәжірибесі мол.
Соның бірі – қазақ тілі пәні бойынша оқытушы-сарапшы Гүлнайфиз Көшербаева. Тәжірибелі ұстаз «BIRGE OQÝ» жобасының белсенді қатысушысы.
- Бұл жоба 6-7 сынып оқушыларының жаңа білім алуына тең мүмкіндік береді. Жобаның арқасында олар үйде отырып-ақ, еліміздің үздік оқытушыларының дәрісін тыңдап, тілдесе алады, - дейді Гүлнайфиз Көшербаева.
