Әділет министрі Қанат Мусин конституцияға енгізілетін өзгерістер туралы айтып берді. Шенеуніктің сөзінше, жоба үш блокқа бөлінген. Яғни, алдымен министрліктің жалпыұлттық жоспарына сәйкес Президент өкілеттігі мен оның қызметіне байланысты шектеулер белгіленеді. Орталық сайлау комиссиясы, Есеп комитеті және Конституциялық кеңестің төрағалары мен мүшелері саяси партиялардан шығарылады. Сосын республикалық бюджеттің игерілуін бақылау жөніндегі есеп комитетін жоғары аудиторлық палатаға айналдыру тәртібіне қатысты заң жобасы әзірленеді.
Жаңа жоспарда өлім жазасын жою туралы шешімді бекіту мәселесі де көтерілмек. Конституциялық сот құрып, тиісті органдар мен азаматтардың өтініш білдіру мүмкіндігін белгілеу туралы заң жобасы да сәуір айында дайын болуы тиіс. Бұл бірінші блок. Ал келесі блокта әкімдер мен олардың орынбасарларына партия филиалдарында қызмет атқаруға тыйым салу жайы қарастырылады. Конституциялық кеңес пен Жоғары Сот Кеңесінің төрағалары қызметіне кандидатураларды келісу, жоғары аудиторлық палатаның құрылуы, саяси партияларды тіркеу рәсімін жеңілдету секілді өзекті проблемаларға қатысты өзгерістер де дәл осы екінші блокқа енгізіліпті. Сайлау процесін жетілдіру мен алқа билер соты қатысатын істерді кеңейтуге бағытталған заң нормалары тамыз айында әзірленеді екен. Ал маусымда Абай, Ұлытау облыстарын құру, Алматы облысын екіге бөлу және әкім орынбасарларының санын шектеу жұмыстары жүргізілмек.
ҚАНАТ МУСИН, ҚР Әділет министрі:
– Бұқаралық ақпарат құралдары туралы заңды қайта қарау, Жергілікті өзін-өзі басқару мәселелері бойынша өзгерістер енгізу. Осы блок бойынша конституциялық заңның және заң жобаларын әзірлеу 2022 жылғы тамызда жоспарлануда.
.
.
.
.
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
#Информбюро #Ақиқатын_Айтайық #ИнформбюроЖаңалықтары #БүгінгіЖаңалықтар #БастыЖаңалықтар
