Lajme arkiva 2005
Me ardhjen e të djathtëve në pushtet pas zgjedhjeve të 3 korrikut Partisë Demokratike i duhet të reformojë strukturat e saj të brendshme pasi shumë prej funksionarëve të partisë janë të angazhuar në qeverisje. Nënkryetari i Partisë Demokratike Bamir Topi thotë për Televizionin Klan se riorganizimi i partisë do të zgjidhej në këtë mënyrë.
Bamir Topi: “Linja e organizimit në parti besoj që është një çështje që nuk mund të takojë nismës së nj individi. Natyrisht i takon kryetarit të partisë, i takon sekretarit të përgjithshëm, i takon kryesisë për t’i diskutuar në nj moment të caktuar edhe për ecurinë e mëtejshme të funksionimit të këtyre pozicioneve që ju sapo përmendët.”
Gazetarja: “ Në fakt është e domosdoshme thirrja e Këshillit Kombëtarë?”
Bamir Topi: “Unë sapo ju thash që njerëzit e rëndësishëm në Partinë Demokratike janë të gjithë në detyrë. Pra po plotësojnë në mënyrë të njëkohshme jo vetëm detyrat shtetërore, por edhe detyrat partiake dhe ato janë në orare të zgjatura në kontakt me njerëzit dhe do t’i trajtojë natyrisht iniciativës së kryetarit të partisë për të bërë propozimet e duhura në një moment të duhur.”
Sipas Topit e tërë trupa e Partisë Demokratike po kryen detyra të dyfishta gjë që nuk mund të vazhdojë gjatë.
Bamir Topi: “Qofshin ata që janë ekzekutiv, qoftë ata që janë në legjislativ dhe të tjerët që nuk janë në asnjërën nga këto dy institucione, por që janë në strukturat e partisë janë në një bashkëveprim harmonik mjaft intensiv. Unë mund t’ju them që gjërat kanë filluar që të sistemohen. Natyrisht është një proces jo afatshkurtër. Është një proces afatgjatë sepse reforma do të vazhdojë në linjën politike. Do të ketë një zëvendësim të natyrshëm të njerëzve që kanë një karrige politike të caktuar.”
Zyrat e selisë më të madhe në vend në pjesën më të madhe të kohës janë të mbyllura. Pasi drejtuesit e saj të rëndësishëm janë të angazhuar në poste qeveritare ose parlamentare./tvklan.al
Gazetare : Gerta Gixhari
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow rtvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
