Të gjitha ngjarjet e rënda kriminale që janë shënuar përgjatë viteve në Shqipëri kanë për protagonistë persona me precedentë të mëparshëm penalë, ndonëse mund të mos jenë dënuar me vendim të formës së prerë. Ka edhe nga ata që kanë ndryshuar identitete dhe mund të kenë qenë pjesë e veprave të ndryshme penalë jashtë kufijve territorialë të Shqipërisë.
E megjithatë, parandalimi i ngjarjeve kriminale në vend për Policinë e Shtetit mbetet një mision i pamundur, pavarësisht rezultateve të saj në përqindjet e zbulueshmërisë. Një ndër faktorët negativë që ka ndikuar më së tepërmi në bilancin negativ të punës së policisë është evoluimi apo sofistikimi i kriminelëve dhe skemave të tyre.
Ka shumë që bëjnë pjesë në grupe kriminale që duan të lajmë hesape, të tjerë që bëhen pjesë e grupeve shoqërore dhe bashkojnë forcat për t’u hakmarrë. Ka shumë që njihen në publik për precedentët e tyre, për atë që në gjuhën policore njihet si rrezikshmëri, por nuk mbahen nën vëzhgim nga Policia.
Nga ana tjetër shpesh ndodh që shënjestrat e sulmeve të jenë dhe persona, të cilët nuk janë të skeduar ose e thënë ndryshe të kenë zyrtarisht dosje kriminale në komisariatet e policisë. Ky fakt bën që ata të jenë jashtë vëzhgimit policor.
Në policinë e shtetit ka një database të plotë me emrat e personave në kërkim kombëtar, apo edhe ndërkombëtar. Ka bashkëpunime me agjencitë e tjera policore jashtë Shqipërisë, por mungojnë të dhëna të tjera për ata persona që nuk kanë dosje, por drejtojnë grupe kriminale. Agjentët e Policisë Kriminale që mbulojnë territore të tëra thuajse e kanë të pamundur të mbajnë nën monitorim personazhe që janë pjesë indirekte e bandave të ndryshme.
Jo vetëm për krimet e rënda, por edhe për përdhunues, shitës droge, ose në gjuhën policore përsëritës në krim. Ka raste kur një shitës droge është dënuar, liruar, ka nisur një jetë tjetër, por nuk mund të jetë nën vëzhgimin e policisë. Por a mund të jetë ky një kontigjent? A mbahen këta persona nën mbikëqyrjen e inspektorëve të zonave, apo agjentëve të krimeve? E gjithë kjo për Policinë, e cila më shumë se zbulimi i krimeve ka për mision parësor parandalimin.
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#Policia#Krimi#TopChannel
