Lajme Arkiva 2009
Edi Rama ka ripërsëritur qëndrimin e selisë rozë për të vijuar bojkotin e Kuvendit për sa kohë që qeveria tha ai do të vazhdoj me shurdhërinë sipas tij përballë kërkesave të opozitës.
Kryesocialisti ka deklaruar se manifestimi i të shtunës së 10 Tetorit do të përshkallëzohet me të tjera manifestime në rrugë të opozitës deri në bërjen e transparencës së zgjedhjeve.
Edi Rama: “I bëj apel Sali Berishës të kuptojë se PS-ja nuk hyn në parlament pa u plotësuar kërkesa e patjetërsueshme për transparencën e zgjedhjeve të 28 Qershorit dhe me të gjithë opozitën ne do të përshkallëzojmë manifestimin e protestës për shkeljen e ligjit që garanton hapjen e kutive të votimit. Manifestimi opozitar i të shtunës 10 Tetor është vetëm fillimi i një përpjekje që ne do ta shtrijmë në çdo rrugë të vendit, në qoftë se pushteti i lindur nga grabitja e votave nuk hap kutitë e 28 Qershorit. I bëj apel Sali Berishës të kuptojë se prekja e kutive të votimit apo larg qoftë për të dhe për atë ushtarin fanatik në kreu të KQZ-së, asgjësimin e kutive, ndërkohë që ne kërkojmë hapjen e tyre jo vetëm nuk do ta shpëtojë këtë pushtet të korruptuar dhe korruptues nga përballja me të vërtetën e popullit opozitar. Po përkundrazi do të konsiderohet prej nesh si një shprehje e patolerueshme e dhunës ndaj opozitës.”
Rama ka deklaruar se me manifestimin e të shtunës do ti bëhet apel kryeministrit Berisha për të dhënë llogari pse Shqipëria në ndryshim nga vendet e tjera të rajonit mbeti jashtë programit të heqjes së vizave./tvklan.al
Gazetare: Elja Zotka
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow rtvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
