2022 жылғы 27 қазан күні Атырау қаласында ТШО компаниясымен бірге Қазақстан мұнай-газ секторындағы әйелдер көшбасшылығы мен гендерлік теңдікті ілгерілетуге бағытталған «Энергетика саласындағы әйелдер – мүмкіндіктер өрісін кеңейту» форумы өткізілетіні туралы қуана хабарлаймыз!
Іс-шараның мақсаты – ұйымдардағы гендерлік теңдік бойынша салалық диалог пен әртүрлі компаниялардың қазірдің өзінде әйелдер көшбасшылығын ілгерілету үшін қолға алып жатқан бастамаларды ынталандыру және әр дауыс маңызды екенін ескере отырып әртүрлі жұмыс күшін құру мақсатында салалық қоғамдастыққа қалай бірлесіп әсер ету.
Іс-шара ҚР Еңбек және халықты әлеуметтік қорғау министрлігі, Энергетика министрлігі, KazEnergy қауымдастығының Әйелдер Энергетикалық Клубы, Халықаралық қаржы корпорациясы, Қарашығанақ Петролеум Оперейтинг, «ҚазМұнайГаз» компаниясының қолдауымен әйелдердің құқықтары мен мүмкіндіктерін кеңейту жолын және Қазақстан мұнай-газ саласын қалыптастырудағы әйелдердің маңызды рөлі туралы бөлісу үшін арнайы қонақтармен бірге оффлайн және онлайн режимде өтетін болады.
27 қазан күні NCOC компаниясының әлеуметтік желідегі YouTube және Facebook ресми парақшалары арқылы онлайн режимде «Энергетика саласындағы әйелдер – мүмкіндіктер өрісін кеңейту» іс-шарасына қосылуға шақырамыз.
Тікелей эфирге сілтеме кейінірек жарияланады.
Гендерлік теңдікке бағытталған шараларды қабылдау және үйлестіру - Тұрақты даму күн тәртібінде қарастырылған он жеті мақсаттың бесіншісі. Сан алуандылық пен инклюзивтілікті қамтамасыз етуге жүйелі көзқарас, әйелдерді басшылық лауазымдарға көтермелеу жөніндегі компания бастамалары, кадрлық резервті қалыптастыруға қолайлы орта құру - адамның негізгі құқығы ғана емес, сонымен қатар бүкіл әлемдегі бейбітшілік, гүлдену және тұрақты дамуға қажетті іргетас. NCOC компания стратегиясының бөлігі ретінде әйелдердің құқықтарын кеңейту бойынша нақты бастамаларды енгізу арқылы БҰҰ-ның 5-ші мақсатын ілгерілетуде белсенді рөл атқара алатынын мақтан тұтады.
