Սևանի քաղաքապետարանը ապրիլ ամսին հայտարարություն էր տարածել, որ Սևանի Սայաթ-Նովա-Սարգիս Սևանեցի խաչմերուկից մինչև Սայաթ-Նավա փողոցի միջնամաս ընկած հատվածում շուտով կիրականացվեն ծառատնկման աշխատանքներ: Կտնկվեն մեկ մետր և ավելի բարձրության թվով 300 բարձրորակ եղևնու տնկիներ: Սևանի քաղաքապետարանի և Սևան Ազգային պարկի միջև կնքված համապատասխան պայմանագրի շրջանակներում Ազգային պարկ ՊՈԱԿ-ը իրականացրել է այդ աշխատանքները, սակայն Սևանի քաղաքապետ Ռուդիկ Ղուկասյանը գտնում է, որ տնկիները, որոնք տնկվել են չեն համապատասխանում տեխնիկական բնութագրին, որովհետև ըստ բնութագրի նախատեսված է եղել եղևնի:
Սևան Ազգային պարկի փոխտնօրեն Վահե Գուլանյանն էլ իր հերթին նշում է, որ տնկվել են տարածաշրջանի կլիմային ավելի բնորոշ սոճի ծառատեսակներ, որոնք համարվում են մեր տարածաշրջանին բնորոշ ծառատեսակ, իսկ կատարված աշխատանքները և համայնքի հետ համագործակցությունը բխում է ՀՀ բնապահպանության նախարարության բնապահպանական ծրագրերի իրականացման առաջնահերթություններից:
