Оюутолгойн гэрээг сайжруулах зорилгоор УИХ-аас тогтоол баталж, энэ дагуу Засгийн газраас комисс байгуулсан. Энэ комиссын анхны хуралдаан өчигдөр болсон байна. Хуралдаанаар хэлэлцсэн асуудлын талаар ЗГХЭГ-ын дарга Л.Оюун-Эрдэнэ хэвлэлийнхэнд мэдээлэл өглөө. Эхний ээлжинд урд хөршөөс эрчим хүч авч байгааг яаж дотоодын эргэлтэд оруулах вэ гэдэг асуудлыг тавих санал бэлтгэгдэж байгаа юм байна. Татварын маргааны асуудлыг Монгол Улсын хуулийн дагуу хэрхэн шийдэх талаар мөн ажиллаж байна. Шаардлагатай бол Арбитрын шүүхэд хандаж магадгүйг мэдээллээ. Шүүх шатанд байгаа Дубайн гэрээ буюу далд уурхайн гэрээтэй холбоотой асуудлыг уулзалтаар дүгнэж ярилцжээ. Уг гэрээг цаашдаа хэрхэн сайжруулж, хууль тогтоомжид нийцүүлэх вэ гэдэг дээр тусгай ажлын хэсэг байгуулагдсан байна.
#МҮОНРТ #МонголынМэдээ #ЦагийнХүрд
