Теріскейде газ тапшы болса, еліміздің бес бірдей аймағында жылу маусымына қажет қаржы қат.
Ақмола, Жамбыл, Қызылорда, Шығыс Қазақстан және Қостанай облыстары Үкіметтен жылу үшін қосымша қаржы сұрап отыр.
Себебі жұрттың жылуға деген былтырғы берешегі әлі қайтарылмаған. Ал кей өңірлерде тозығы жеткен қазандықтарды жөндеу жұмыстары әлі аяқталмаған. Бұл туралы бүгінгі Үкіметтің отырысында Энергетика министрі Қанат Бозымбаев айтты.
Қыстың қыр астында екенін еске салған Үкімет басшысы Бақытжан Сағынтаев сала басшысына жылыту маусымына дайындықтық жұмыстарын ширатуды тапсырды.
Қанат Бозымбаев, ҚР Энергетика министрі
-Біз ҚР Қаржы министрлігіне Үкімет резервінен қаржы бөлуі үшін өтініш жолдадық. Яғни 30 мың тонна мазут алу үшін 1 жарым млрд теңге, 92 мың тонна көмірге 335 млн теңге қажет.
