БІЗДІҢ YOUTUBE АРНАҒА ТІРКЕЛІҢІЗ: [ Ссылка ]
---------------------------------------------
Атырау облысында белгісіз жағдайда суға батып қайтыс болған 13 жастағы баланың туыстары тергеудің әділ жүргізілуін талап етеді. Марқұмның жақындары қылмыстық істің бабын ауыстырып, күдіктілерді қамау керек деп есептейді. Айтуларынша, Мерлан Сананы үлкен сыныптың балалары Жайық өзеніне итеріп жіберген. Және жүзе алмайтын ұлыма көмектесудің орнынан жайбарақат қарап тұрған деп отыр анасы. Әділдік іздеген отбасымен өңірдегі әріптесім тілдесіп келді.
Анаргүл Қасантаева қапыда көз жазып қалған жалғыз ұлының фотосына қарап күнде жылайды. Екі айдан бері әділдік іздеген ана бүгінде полиция басқармасының табалдырығын тоздырып шаршаған. Өйткені балама қастандық жасаған жан бола тұра жазасыз қалып оты дейді. Оның үстіне тергеушілердің қайта-қайта ауысуы көңіліне күдік ұялатыпты.
АНАРГҮЛ ҚАСАНТАЕВА, марқұмның анасы:
- Баламды шақырып алып кеткендер жайбарақат музыка тыңдап отырды. Олардан сұрасам, Мони суға батты деп айтты. Олар сөзді бұрмалап сосын, үйге кетті дей салды. Жайық жағасына барсам баламның киімдері жатыр. Егіздің сыңары болса Жанұзақ суға итеріп жіберді деді. Айқайлаған балам құтқарыңдар деп құтқармай қарап тұрған. Батып кеткенінше.
Қайғылы оқиға тамыз айында Жайық өзенінің жағасында болған екен. Марқұмның туыстары Мерлан егіз сыныптастарымен кетіп, сол күйі оралмағанын айтады. Және 7-сынып оқыған ұлымыздың жүзе алмайтынын әрі көзінің нашар көретінін білген үлкен сыныптағы оқушылар оны қасақана итеріп жіберді деп отыр. Бұл ақпаратты кей сыныптастары да растаған көрінеді.
МАҚСАТ ТӨЛЕНБАЕВ, жәбірленуші тараптың адвокаты:
- Ол бала итергенде суға түсіп батып кету мүмкін екендігін біліп тұрып, бірақ та соны істеп тұр. Сондықтан бұл жанама пиғылмен 99-баппен дәрежелеуге жатады деп ойлаймын. Себебі жанама пиғыл дегенді прокуратура да, тергеу органдары да ұмытып кетті. Жағада тұрған Мерланды артынан келіп итеріп жіберген суға түсіріп жіберген. Белінен итеріп, ол туралы көрсетіп отырған балалар бар іс бойынша. 4-5 бала бар.
Адвокат бұл жайтқа әлімжеттік себеп деген пікірде. Сондықтан мектеп мұғалімдері мен жоғары сынып оқушыларынан да жауап алу керек дейді. Ал плиция тергеу әлі аяқталмаған деп қысқа қайырды. Қылмыстық істе күдіктілердің бар-жоғы да әзірге белгісіз.
ДИНА МАҚСОТОВА, Атырау облыстық полиция департаменті ақпараттық саясат бөлімінің инспекторы:
- Жасөспірімнің өліміне қатысты қазіргі уақытта ҚР ҚК104 бабына сәйкес қылмыстық іс тергелуде. Яғни «Абайсызда қазаға ұшырату» дерегі бойынша сот-медициналық сараптамасы тағайындалды. Өзге ақпарат тергеу мүддесіне сәйкес жариялауға жатпайды.
Мерлан екі қыздан кейінгі үйдің кенжесі. Болашақта құқық қорғау органдарында қызмет етуді армандаған екен.
-----------------------------------------------
Теңдессіз жобамызға көз салыңыз: [ Ссылка ]
Бишімбаев ісі - [ Ссылка ]
Су тасқыны бойынша барлық ақпарат - [ Ссылка ]
Жұмбақ өлімдер - [ Ссылка ]
Біз барлық әлеуметтік желідеміз, тіркеліңіз:
Информбюро 31 [ Ссылка ]
Informburo kz [ Ссылка ]
Facebook - [ Ссылка ]
Instagram - [ Ссылка ]
WhatApp - [ Ссылка ]
TikTok - [ Ссылка ]
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық
