БІЗДІҢ YOUTUBE АРНАҒА ТІРКЕЛІҢІЗ: [ Ссылка ]
---------------------------------------------
Үкіметтегілер елімізде танымал брендтердің көшірмесін емін-еркін саудалауға жол бермеуге шыңдап кіріскен сыңайлы. Әділет министрлігінің дерегінше, жыл басынан бері танымал брендтердің маркаларын рұқсатсыз жабыстырғандарға 15 миллион теңге айыппұл салыныпты. Ведомство өкілдері бұл бағытта жұмыс жалғасады деп отыр. Ал бұған саудагерлер не дейді? Қандай жағдайда тауарға тексеріс жүргізіледі? Әріптесім Оразай Нұртайұлы жалғастырсын.
ОРАЗАЙ НҰРТАЙҰЛЫ, тілші:
- Бүгінде сауда орындарында, әсіресе базардан танымал брендтермен таңбаланған киімнің түр-түрін табуға болады. Бірақ тауарға расында түпнұсқадағы белгі салынған-салынбағанына назар аудара бермейтініміз рас. Бағасы қолжетімді, сапасы көңілге қонымды болса болды, жарасса киіп кете береміз.
Дегенмен, саудада 10 жылдан астам уақыт жүрген Нилуфар Елмұратованың айтуынша, бүгінде киімдегі таңбаға ерекше мән беретін тұтынушылар жетерлік. Бренд атауы қате, не қисық жазылған тауарлар бұрынғыша сатыла бермейді. Бірақ тапсырыс жасасаң қоймадағылар танымал белгілерді айнытпай кестелеп береді дейді.
НИЛУФАР ЕЛМҰРАТОВА, кәсіпкер:
- Қытайдан основном түнгі базардан сатып алып келеміз. 1 штугын сіздің көзіңізше, фотосын көрсетсеңіз бізге мың данасын тігіп береді. Қарапайым халық та кие алады. Оны студенттер де алады. Әрбір ата-ана өзінің балаларына бренд алып бергісі келеді. Ол болады деп ойлаймын. Ал таза брендті Есентайда ғана сату керек деген ұғым жоқ. Ол менің миыма да кірмейді. Негізі ұсыныс пен сұраныс қарапайым халықта ғой.
Кәсіпкердің ойынша, брендтердің заңсыз қолданысына шектеу қою мүмкін емес. Ал әділет министрлігі өкілінің айтуынша, биыл рұқсатсыз танымал белгімен таңбаланған жалпы құны 102 миллион теңгеден асатын тауар тәркіленген.
ЖАЙДАР ЫСҚАҚ, ҚР әділет министрлігі зияткерлік меншік комитетінің бас сарапшысы:
- Өкінішке қарай біз қазіргі уақытта өздігімізбен тексеруге шыға алмаймыз. Тауар таңбаларының иелері немесе өкілдері, өкілеттілік берілген тұлғалар арызданады. Сол арыз негізінде тексеріс жүргізіледі.
Министрлік өкілінің сөзінше, тексерістің басым бөлігі Алматы қаласындағы сауда орындары мен базарларында жүргізілген. Нәтижесінде жалпы 39 мыңнан астам қолдан жасалған өнім анықталып, тәркіленген екен. Олардың арасында танымал брендтер салынған киімдерден бөлек, тұрмыстық техника мен телефон, ойыншықтар мен көлік саймандары да бар. Айта кетсек, бұған дейін шетелдік танымал компанияның бірі Қазақстандағы сауда орны таңбасын қолданып, тауарды 300 пайызға арзан сатқаны үшін шағымданған болатын.
---------------------------------------------------
Теңдессіз жобамызға көз салыңыз: [ Ссылка ]
Бишімбаев ісі - [ Ссылка ]
Су тасқыны бойынша барлық ақпарат - [ Ссылка ]
Жұмбақ өлімдер - [ Ссылка ]
Біз барлық әлеуметтік желідеміз, тіркеліңіз:
Информбюро 31 [ Ссылка ]
Informburo kz [ Ссылка ]
Facebook - [ Ссылка ]
Instagram - [ Ссылка ]
WhatApp - [ Ссылка ]
TikTok - [ Ссылка ]
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық
