#APATV #bina #qanunsuztikili #binasökülür #apagroup #apaxeber #apaxəbər #apatvxəbər #apaxeberler #xeberler #sonxeberler #gundemxeberler #xəbərlər #sonxəbərlər #xəbərlərbugün #xəbərlərdəbugün #gününxəbərləri #xəbərləryeni #sondeqiqe #gününəsasxəbərləri #sonxeberlerbugun2022 #canlıyayım #apacanlı #birbaşayayım #aparesmi
Bakıda qanunsuz tikilməkdə olan yaşayış binası sökülür.
APA TV xəbər verir ki, Bakı şəhəri, Nəsimi rayonu Cəlil Məmmədquluzadə küçəsi 998-ci məhəllədə qanunsuz inşası aparılan binanın sökülməsi üçün əraziyə Fövqəladə Hallar Nazirliyinin müvafiq qüvvələri gəlib. Artıq binanın sökülməsinə başlanılıb.
Sakinlər iddia edirlər ki, yeni tikili onların yaşayış binalarının pəncərələrinə çox yaxın məsafədə yerləşdiyi üçün binanın sökülməsini istəyirdilər. Aidiyyəti qurumlara da müraciət ediblərmiş, amma elə gecə ilə binanın tikinti işləri davam etdirilirdi. Hazırda isə gördüyünüz kimi Fövqəladə Hallar Nazirliyi tərəfindən söküntü işləri həyata keçirilir və bina sökülür.
Fövqəladə Hallar Nazirliyinin Tikintidə Təhlükəsizliyə Nəzarət Dövlət Agentliyinin Bas Dövlət Tikinti Müfəttişliyinin Nəsimi rayon müfəttişi Faiq Sadıqov deyir ki, sakinlərin şikayəti əsasında iki hündür binanın yanında tikinti aparılan əraziyə baxış keçirilib: “Nəticədə qanunsuz tikinti aşkarlanaraq söküntü qərarı verilib. Torpağın çıxarış və ya şəhadətnaməsinin olmasına baxmayaraq, tikinti qanuna uyğun həyata keçirilməlidir. Bura da isə layihədən kənar, razılaşdırılmamış, qeyri-qanuni tikinti işləri aparılır. Ona görə söküntü işlərinə qərar verilib”.
Qeyd edək ki, söküntü işləri Nəsimi Rayon İcra Hakimiyyəti və Dövlət Şəhərsalma və Arxitektura Komitəsi ilə birgə aparılır.
Dövlət Şəhərsalma və Arxitektura Komitəsinin mətbuat katibi Ramiz İdrisoğlu deyir ki, Dövlət Şəhərsalma və Arxitektura Komitəsinə bir neçə ay öncə daxil olmuş müraciətlər əsasında məsələyə dərhal reaksiya verilərək inşa edilən tikinti araşdırılıb: “Dəfələrlə müvafiq qurumlara müraciət olunub. Azərbaycan Respublikasının Şəhərsalma və tikinti məcəlləsinin tələblərinin kobuda şəkildə pozulduğu aşkar olunub. Ərazidə tikinti işlərinin dayandırılmasına baxmayaraq yenidən tikinti işlərinə başlanılıb. Bu gün isə komitənin müraciəti əsasında qanunsuz tikintinin söküntüsünə başlanılıb”.
Xatırladaq ki, Azərbaycan Respublikasının Şəhərsalma və tikinti məcəlləsinin 80.1-ci maddəsinə əsasən mülkiyyətində icarəsində və ya istifadəsində olan torpaq sahəsində inşa edilən fərdi yaşayış evlərinin yerüstü mərtəbələrinin sayı 3-dən, hündürlüyü 12 metrdən, aşırımlarının uzunluğu isə 6 metrdən çox olmalı deyil.
Qeyd edək ki, iki gün bundan əvvəl sakinlərin eyni şirkətdən şikayəti əsasında APA TV olaraq reportaj hazırlamışdıq.
✅ Rəsmi saytımız: [ Ссылка ]
✅ Rəsmi facebook səhifəmiz: [ Ссылка ]
✅ Rəsmi instagram səhifəmiz: [ Ссылка ]
✅ Rəsmi twitter səhifəmiz: [ Ссылка ]
✅ Rəsmi teleqram səhifəmiz: [ Ссылка ]
✅ Rəsmi youtube kanalımız: [ Ссылка ]
Copyright © APA TV
Videolarda yazılan rəylərə görə kanal rəhbərliyi məsuliyyət daşımır.
REKLAM TƏKLİFİ ÜÇÜN (Contact) info@apa.tv
