Goos-gooska Ciyaarta Kubadda Cagta ee Dadka Araga La’ ee Soomaaliya ⚽️⚽️

Waxaan aad ugu faraxsanahay inaan idiin soo gudbino goos-gooska ciyaarta kubadda cagta ee dadka araga la’, taas oo Muqdisho Soomaaliya ka dhacday. Ciyaartaan oo ah tii ugu horeysay ee nuuceeda ah ayaa waxaa soo qaban-qaabiyay Golaha Barbaarta Araga La’, oo ah urur u taagan mideynta, shaqo abuurka, hormarinta waxbarashada, iyo wacyi gelinta dhalinyarada araga la’.

Golaha Barbaarta Araga La’ wuxuu u taagan yahay inuu bulshada ku baraarujiyo hibooyinka iyo aqoonta ku dhex daahan dadka araga la’. Hadafka ugu weyn ee ururka waa in la helo bulsho u heelan u hiilinta xuquuqda naafadeeda. Mid ka mid ah hal ku dhigyada ururka waa “Naafanimadu ma aha itaal darro,” waxaan diyaar u nahay in aan muujino kartida iyo awoodda aan u leenahay wax la qaybsiga bulshada.

Waxaan rajeyneynaa taageeradiina joogtada ah si aan u hormarino una soo bandhigno xirfadaha iyo awoodaha dhalinyarada araga naafada ka ah. Mahadsanidiin!

#NaafanimaduMaAhaItaalDari #AragaLa’ #KubaddaCagta #Soomaaliya

#blindfootball

свернуть