МАДЖИТ АРНАТ БОЛАТҰЛЫ, Жамбыл облысы, Тұрар Рысқұлов аудандық білім бөлімінің дене шынықтыру әдіскері:
Қазақстан Республикасы Оқу-ағарту министрлігі «Ұлттық ғылыми-практикалық дене тәрбиесі орталығының» Ұлттық мектеп лигасы бағдарламасы аясында Жамбыл облысы, Тұрар Рысқұлов аудандық білім бөліміне қарасты орта білім беру ұйымдарының дене шынықтыру мұғалімдеріне спорт түрлері бойынша семинарлар ұйымдастырылды.
Семинар аясында шахмат, тоғызқұмалақ, асық ату, бес асық, жеңіл атлетика, волейбол, баскетбол, гандбол, футзалдан федерация мамандары мен тәжірибелі ұстаздар дәріс оқыды.
«Өңірлік мектептердегі спорт түрлері деңгейін артыру, тәжірибе алмасу, ойын ережелері бойынша білімдерін жетілдіру мақсатында дене шынықтыру мұғалімдеріне семинар-практикумдар өткізілді. Аталған семинарларға аудандық білім бөліміне қарасты білім беру мекемелерінен 163 дене шынықтыру мұғалімі қатысты. Ұстаздар үшін пайдалы іс-шара болды деп есептеймін».
