Бүгін отан алдындағы борышын өтеген 1500 сарбаз тегін білім алуға мүмкіндік беретін сертификатқа ие болды. Яғни, олар алдын ала таңдаған үш жоғары оқу орнының біріне грант ұтып отыр. Іріктеуге 12 мыңнан астам қатардағы жауынгер қатысқан. Ал Қорғаныс министрлігінің өкілдері бұл игі жоба жылына екі рет ұйымдастырылатынын айтады.
Дәл бүгін жүздеген сарбаз үшін қуанышты күн болып отыр. Себебі олар отан алдындағы борышын өтеген соң, өздері таңдаған жоғары оқу орнында тегін білім алады. Қорғаныс министрлігі Срочник 2.0 платформасы арқылы онлайн режимде тегін білім алуға ие болған 1500 сарбаздың есімін анықтады.
АЙГҮЛ ТӨЛЕМБАЕВА, ҚР Қорғаныс министрінің кеңесшісі:
– Біз сарбаздардың үлгері мен тәртібіне назар аудардық. Әрі сарбаздар тек өздері білім алғысы келетін жоғарғы оқу орнын таңдағаны жөн деп шештік. Олар үш оқу орнын белгілейді. Ал университетке барған соң қабылдау комиссиясы ұсынған бірнеше мамандықтың бірін таңдайды.
Министрлік өкілдерінің айтуынша, сарбаздарға 76 жоғары оқу орны ұсынылады. Олар көңілі ауғанын таңдайды. Мәселен, қазір әскерге көктемде шақырылған жауынгерлер сертификат иеленіп отыр. Енді бұл шешім өзгертілмейді. Себебі сарбаздар қанша ұпай жинағанын ай сайын көріп отырады. Яғни, жеке көрсеткіштері әскери бөлімде ілулі тұрады. Бірақ іріктеуден өтпей қалғандарға уайымдауға негіз жоқ екен.
ЕРБОЛ ҚҰМАРБЕКҰЛЫ, ҚР Қорғаныс министрлігі аппаратының басшысы:
– Сертификат алмағандарға ешқандай ренжімеуге болады. Өйткені барлық сарбаздар үшін бірыңғай тестілеу тапсырмай ақылы түрде оқу орнына түсуге мүмкіндік бар.
Яғни, тегін білім алуға үмітті сарбаздар бірнеше ережеге сай іріктеледі. Оның біріншісі жауынгерлік даярлық бағдарламасын меңгеру деңгейі болып отыр. Сосын жеке тәртібі, тәуліктік нарядта арнайы міндеттерді толық орындауы және психологиялық жай-күйі ескеріледі. Ал тегін білім алу сертификаттары жылына екі рет үлестірілмек. Енді екіншісі күзгі шақырым сарбаздары арасында өткізілгелі отыр.
Бізді әлеуметтік желіде оқыңыздар:
Информбюро 31 [ Ссылка ]
Informburo kz [ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
Біздің сайт: www.31.kz и www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал
