Një 47-vjeçar nga fshati Gurrë e Vogël në Klos të Matit është gjetur i vdekur në banesën e tij. Ylber Lezi dyshohet se është vrarë nga familjarët e tij pas një sherri në familje.
Nuk janë ende të qarta rrethanat e ngjarjes, por policia bën të ditur se rreth orës 22:30 të së dielës, në sallën operative të Komisariatit të Policisë Mat, ka ardhur një telefonatë se në banesën e shtetasit Ylber Lezi po ndodhte një konflikt në familje.
Me mbërritjen në vendin e ngjarjes, forcat e policisë kanë hasur në rezistencë nga ana e gruas së tij, e cila nuk ka pranuar të hap derën duke pretenduar se burri i saj ishte në gjumë.
Shërbimeve te policisë iu është dashur të thyejnë derën dhe të hyjnë me forcë në banesë ku në katin e dytë kanë gjetur të pa jetë trupin e Ylber Lezit.
Nga këqyrja paraprake e trupit të tij janë vënë re shenja dhune të shkaktuara me mjete të forta në pjesën e kokës, çka dyshohet se mund t’i ketë shkaktuar vdekjen 47-vjeçarit.
Nuk dihen ende motivet e këtij krimi, por policia ka bërë shoqërimin në komisariat të gruas dhe vajzës së tij, të cilat dyshohen se janë edhe autorët e kësaj vrasje. Fqinjët e familjes Lezi tregojnë se Ylberi ishte një frekuentues i rregullt i alkoolit, ndërsa gruaja vuante nga probleme të shëndetit mendor.
Tv Klan
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
