Алматыда сегіз мемлекеттік қызметкерге сөгіс жарияланса, алтауы адамдарды әуре-сарсаңға салғаны үшін ескерту алды.

Бұл туралы қалалық әкімдікте өткен мемлекеттік органдардың қызмет сапасын арттыруға арналған кеңейтілген кеңесте айтылды.

9 айда қала тұрғындарына 13 миллионнан астам мемлекеттік қызмет көрсетілген. Оның 11 пайызы Халыққа қызмет көрсету орталықтарында, 24 пайызы веб-портал арқылы, ал 60 пайызы тікелей мемлекеттік мекемелермен жасалған.

Қорытынды есептерде көрсетілген қызметтерге қатысты халық тарапынан ешқандай арыз-шағым жоқ деп жазылған. Алайда Мемлекеттік қызмет істері және сыбайлас жемқорлыққа қарсы іс-қимыл агенттігі Алматы қаласы бойынша департаментінің мамандары бұған күмәнданып отыр.

Ермек Кәрімов, ҚР МҚІСЖҚІА Алматы қ. бойынша департаментінің бөлім жетекшісі

-Есептерінде миллиондаған қызмет мінсіз жасалды деп жазады. Бұл қисынға келмейді. Біз де мемлекеттік қызметті қолданамыз. Адамдардың арыз-шағымы көп. Бірақ ол туралы еш жерде жазылмаған. Енді талапқа сай келмейтін есептер болса, басшылыққа немесе министрлікке, қала әкіміне хабарлаймыз.

свернуть