قال كنت اوّل
ونا قررت حطك صف ثاني
قلت انا من كنت بـ اللفة وانا بالصف لاول

قال تتحوّل
ولاتجلس تغني ذا مكاني
قلت ذاك (الكور) لتحوّل انا ما باتحوّل

قال تتسوّل
تبا لاول وباتبطي تعاني
قلت حقي ماطلبتك فضل او جيتك تسوّل

قال قد دوّل
عسل جبته وغثى بالصياني
قلت مايحلى العسل الا اذا تعتّق و دوّل

قال ما عوّل
على هرجك ولاقولك عناني
قلت ليه انته حسبتني على هرجك معوّل!!

قال لي حوّل
وقلت الصدق ماقاله لساني
والرجل لوقال كلمة صدق مابدّل وحوّل

واعتليت اول
وهو عاده يعامل صف ثاني
يوم ربي ماخلق مثلي سوى لصف لاول

#محمد_سالم_الأحمدي

свернуть