Tema : Upaya pelestarian kesenian wayang golek melalui media sosial.
Pagelaran wayang golék Giriharja 3 pingpinan dalang Asép Sunandar Sunarya ieu mangrupakeun rékaman audio panggung waktu ngagejrak di Mandalawangi, Cipatat, Kab. Bandung Barat tanggal 11 Agustus 2002.
=====================
Sinopsis awal carita :
Sinigeug di karaton Karajaan Jonggerba, Prabu Widarba nu kasohor raja ahli sihir keur ngayakeun sinéwaka jeung patihna Badraséti katut Senopati Badradénta. Inti obrolan nyaéta raja téh hayang boga deui pamajikan nu kaopat. Wanoja nu diincer ku Sang Naléndra téh nyaéta Déwi Sutiragén ti Karajaan Sekar Rumembé. Harita téh putri raja Sutiragén keur disayémbarakeun. Saha-saha nu bisa ngéléhkeun jago sayémbara nyaéta Jaka Gintiri, adina Sutiragen, bakal meunangeun Sutiragén salaku pamajikanana. Dina hal ieu, Prabu Widarba sorangan nu rék miluan sayémbara.

Jaka Gintiri salaku jago sayémbara can aya nu bisa ngéléhkeun. Waktu adu hareupan jeung Raja Widarba, Jaka Gintiri kaeunteupan sihir ti Raja Widarba nu rék perlaya. Akibatna, Jaka Gintiri leungiteun akal bet bogoh ka lanceukna sorangan, Déwi Sutiragen. Antukna Jaka Gintiri disupata jadi denawa goréng patut ku bapana nu jadi raja Sekar Rumembé.

Di tempat séjén nyaéta di Tumaritis Tegal Gorowong, Semar Badranaya ngajak barudakna, Astrajingga & Dawala ngajugjug Sekar Rumembé. Maksudna Semar rék miluan sayémbara meunangkeun Sutiragén. Semar ngimpi kadatangan wanoja nu cenah bakal piindungtéréeun Astrajinga, Dawala, Garéng.

Carios lengkepna, mangga bandungan dugi ka réngsé. Cag.

свернуть