Kryebashkiaku i Tiranës, Erion Veliaj, ka inspektuar punimet për rikualifikimin e bllokut të banimi që ndodhet ndërmjet Kombinatit dhe Selitës, në Njësinë Administrative nr. 6. Gjatë inspektimit të punimeve kryebashkiaku ka folur edhe për mbarëvajtjen e maratonës e cila mbahet të dielën më 20 Tetor.
“Ftesa për të gjithë qytetarët nëse janë tipa të vrapit dhe të sportit, të dalin dhe të na bashkohen, të tjerët nëse duhet të dalin për fundjavë të dalin para orës 7:30-8:00 kur ne fillojmë mbylljen totale për maratonën. Kështu sigurohemi që 4,000 të huaj që vijnë në Tiranë, 4,000 mijë vrapues, atletë dhe familjet e tyre të kenë një kohë të jashtëzakonshme në Tiranë, të kalojnë mirë. Tirana të jetë vërtetë një kartolinë e bukur dhe e pastër e imazhit të ri të Shqipërisë”.
Kreu i Bashkisë shtoi se po punohet për vendosjen e sinjalistikave për mbarëvajtjen e Maratonës së Tiranës.
“Një pjesë e maratonës do të jetë brenda në qytet, kështu që rrugët kryesore tashmë po mbushen me sinjalistikë dhe po pastrohen nga parkimi i makinave, ndërkohë që pjesa tjetër e maratonës do të jenë te Liqeni i Tiranës, një mundësi për të parë pak parqet dhe për t’u siguruar që të dy pjesët, ajo urbane dhe ajo e gjelbër e Tiranës, përshkohet nga itinerari i maratonës”
Maratona e Tiranës është kthyer në një traditë, këtë të diel do të mbahet edicioni i 8 i saj me një pjesëmarrje mbi 5 mijë vrapues në total.
SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web [ Ссылка ]
Follow Klan News on Facebook: [ Ссылка ]
Follow @klannews on Instagram: [ Ссылка ]
#KlanNews #KlanNewsLajme #TvKlan
Ещё видео!