Punimet për kampin e refugjatëve në Gjadër duket se kanë nisur. Korrespondenti i Klan News, Martin Marku raporton se prej disa ditësh, makineritë janë stacionuar brenda zonës ushtarake në hyrje të fshatit.
Banorët ende nuk e dinë se çfare do të ndodhë edhe pse janë interesuar, sërish nuk marrin asnjë përgjigje nga drejtuesit e punimeve.
Banori: Punimet kanë filluar prej 4 ditësh. Nuk di se çfarë do të bëhet dhe deri kur do të vijnë refugjatët. Deri më 20 Maj thuhet se do të vijnë. Duke punuar janë eskavatorë, fadroma prej 4-5 ditësh.
Pyetje: Si mendoni ju?
Banori: Po çfarë na duhen ne? Ne fëmijët tonë i kemi jashtë shtetit kanë shkuar për një jetë më të mirë. Tani me ardhë ata këtu, e di qeveria atë punë, nuk dimë ne.
Pyetje: Këta që kanë banesat këtu, a mendoni se ndihen të merakosur?
Banori: Të frikësuar janë. Nuk dihet… Do të bëjnë avlli komplet, mure. Ne akoma nuk dimë gjë. Kanë ardhur inxhinerë italianë, më shumë janë të huaj se sa tonët.
Emigrantët do të strehohen në kampin që do të ngrihet në ish-bazën ushtarake ajrore të Gjadrit, pas regjistrimit në zyrën e posaçme të ngritur në portin e Shëngjinit ku do të zbresin nga anijet me të cilat do t’i sjellin autoritetet italiane.
Kampi do të ndërtohet dhe drejtohet nga qeveria italiane. 16.5 milionë Euro është shuma fillestare që do të japë Roma si rimbursim për vitin e parë të aplikimit të marrëveshjes.
Ligji autorizon shpenzime për vitin 2024 për ngritjen e strukturave të nevojshme, që arrijnë në rreth 47.7 milionë Euro. Është krijuar një fond prej 89.1 milionë Euro për këtë vit dhe 118.5 milionë Euro për secilin nga vitet 2025-2028
SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web [ Ссылка ]
Follow Klan News on Facebook: [ Ссылка ]
Follow @klannews on Instagram: [ Ссылка ]
#KlanNews #KlanNewsLajme #TvKlan
Ещё видео!