Ապրիլի 3-ին, ժամը 13:52-ին Շիրակի մարզային ճգնաժամային կառավարման կենտրոն ահազանգ է ստացվել, որ հրդեհ է բռնկվել Գյումրի քաղաքի Ղանդիլյան փողոցում։
Դեպքի վայր են մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։
Հրշեջ-փրկարարները հրդեհը մեկուսացրել են ժամը 14:16-ին, մարել՝ 14:59-ին։ Այրվել է Ղանդիլյան փողոցում գտնվող ոչ բնակելի փայտե տնակը՝ գույքով (մոտ 18 քմ):
