Մայիսի 9-ին ինչպես, որ համայնքի ղեկավար Վահագն Գևորգյանը խոստացել էր պաշտոնապես բացվեց Հայրենական Մեծ Պատերազմում զոհված հայորդիներին նվիրված հուշահամալիրը:
Բացման արարողության օրը խորհրդանշական էր:
Համայնքի ղեկավարը նշեց, որ ‹‹Անմար կրակ››-ը աբովյանցիների համար կարևոր
հուշ-համալիր է և այն վերակառուցելը պարտադիր էր՝ սերունդներին բարձր արժեհամակարգով կրթելու համար:
Բացման արարողությունն ընթացավ համեստ, ինչպես որ ակնկալվում էր:
Երկրապահները, քաղաքացիները, փոքրիկ աբովյանցիները ծաղիկ խոնարհեցին, որից հետո քայլերթը շարունակվեց Արցախում զոհված հայորդիներին նվիրված հուշարձանի մոտ, ապա Էլարի հուշահամալիր:
Համայնքի ղեկավարը նաև այցելեց 44 օրյա պատերազմում զոհված մեր երիտասարդների շիրիմին, ապա մոմ վառեց Սուրբ Ստեփանոս եկեղեցում՝ գերիների փրկության համար:
Անդրադաձը՝ ԿՈՏԱՅՔ TV
