Ուղիղ 20 տարի առաջ այս օրը Վազգեն Սարգսյանի կոչով կազմավորվեց «Արծիվ» մահապարտների ջոկատը:
«Եթե մենք հավաքվեցինք և 500 հոգանոց արծիվ մահապարտների զորագունդ կազմեցինք ուրեմն մենք դեռ կանք ,մենք դեռ կռվելու ենք մենք դեռ հաղթելու ենք»,- այսօր լրագրողներին ասաց «Արծիվ- մահապարտ» ՀԿ նախագահ գեներալ-մայոր Աստվածատուր Պետրոսյանը։
Ճակատագրական մարտից առաջ ձեւավորված մահապարտների խումբը փայլուն հաղթանակ տարավ, որն իր վճռական ազդեցությունն ունեցավ հետագա ռազամական գործողությունների եւ Արցախյան պատերազմում հաղթանակ տոնելու համար։
«Մահապարտները կատարեցին գերխնդիր։ Եթե ազգը չգտներ 500 հոգի նվիրյալներ, նա դատապարտված կլիներ կործանման».- հիշելով Վազգեն Սարգսյանի խոսքերը՝ ասաց Աստվածատուր Պետրոսյանը։
Իրենց 20 ամյակի առթիվ «Արծիվ-մահապարտները» պատրաստվում են մեկնել Արցախ՝ ազատագրված տարածքներում հաղթանակի բերկրանքը մեկ անգամ եւս վայելելու համար:
«Անցնելու ենք Քարվաճառով, որտեղ մենք պլանավորել ենք հիմնել ավան , որը կկրի «Արծիվ մահապարտների» անունը ։Սկզբում այնտեղ կլինի 7 բնակարան, այնուհետև ազատագրված տարածքում կկառուցվի եկեղեցի»,- ասաց Աստվածատուր Պետրոսյանը։
