“Kendi I gatimit” ne News24 – 5 qershor, 2018 – pjesa 2
Baza:
2 pako bukë të thekur

Sherbeti:
1 ½ gotë sheqer
2 gota ujë
1 shkop kanelle
1 fetë limoni
1 bustinë vanilje

Kremi i pastiçerisë:
1 gotë qumësht
1 gotë pana ëmbëlsire
1 lgj miell
1 lgj niseshte
1 vezë të plotë
3 të verdha veze
1 bustinë vanilje

Luleshtrydhet e marinuara:
250 gr luleshtrydhe
2 lgj sheqer
1 bustinë vanilje
1 gotë konjak
Borzilok

Vendosim në një tenxhere të vogël 2 gota ujë, 1 ½ gotë sheqer, 1 shkop kanelle, 1 bustinë vanilje dhe 1 fetë limon. E lemë sherbetin derisa të marrë valë.

Ndërkohë në një enë tjetër përgatisim kremin e pastiçerisë. Vendosim fillimisht ½ e gotës së qumështit dhe gotën e panës së ëmbëlsirës. Trazojmë miellin me niseshten, me sheqerin dhe me vezët duke shtuar dhe ½ e gotës së qumështit të ftohtë. I trazojmë mirë me telin e vezëve dhe pasi pana dhe qumështi të kenë marrë valë e shtojmë duke e trazuar pa ndërprereje derisa kremi të fillojë të trashet.

Presim luleshtrydhet në feta dhe i vendosim në një tas ku shtojmë për marinim 1 gotë konjak, 2 lugë sheqer, 1 bustinë vanilje dhe borzilok të freskët.

Në një tavë qelqi vendosim fillimisht një shtresë me bukë të thekur. Shtojmë sherbetin dhe e lemë derisa të përthithet nga bukët e thekura. Më pas shtojmë kremin e pastiçerisë, përsëri një shtresë me bukë të thekur, sherbet dhe kremin e pastiçerisë. E nivelojmë mirë kremin e pastiçerisë dhe në fund vendosim një shtresë me luleshtrydhet e marinuara. E mbulojmë ëmbëlsirën me një celefon dhe e vendosim në frigorifer për rreth 2-3 orë.

свернуть