Ալկոհոլային թունավորման 4 նոր դեպք է արձանագրվել Արմավիրի մարզում ու Երևանում: 1-ը մահվան ելքով: Մահացել է ևս մեկ տուժած, որը հիվանդանոց էր տեղափոխվել երեկ: Օգոստոսի 31-ից մինչև այսօր ալկոհոլից թունավորվել է 27 մարդ, 14-ը մահացել են: Առողջապահության նախարարությունը հայտնում է, որ 27 դեպքերից 7-ն արձանագրվել է Երևանում և կապ չունի Արմավիրի դեպքերի հետ: Տուժածների մի մասն օգտագործել է բժշկական սպիրտ, մյուսների օգտագործած սպիրտի տեսակը պարզվում է:
