PLajme arkiva 2005
Kuvendi i Shqipërisë miraton me 78 vota pro dhe 44 kundër buxhetin e qeverisë për vitin 2006. Në seancë nuk janë marrë parasysh propozimet e opozitës. Grupi parlamentar i partisë socialiste dhe ai i Lëvizjes Socialiste për Integrim e Demokracisë Sociale kërkuan t’i bënin pothuajse të njëjtat ndryshime draftit të qeverisë.
Arben Malaj: “Kërkojmë që të pasqyrohen në buxhet 2 miliard lekë si të ardhurat nga privatizimi. Do të rritet pjesa e deficitit që financohet nga investimi. Mund të rriten dy miliard lekë shpenzimet dhe nuk do të rritet huamarrja dhe kostoja në buxhet.”
Dritan Prifti: “Banka italo-shqiptare pjesa e shtetit është shitur. E dimë që dy miliard lek janë duke ardhur në buxhet nga kjo shitje, por këto dy miliard lekë nuk janë reflektuar në buxhetin që deputetët kanë përpara. Ne kërkojmë që këto dy miliard lekë të reflektohen në buxhet pra të rritet edhe me këtë sasi buxheti.”
Sali Berisha: “Po ngjisni si dy vëllezër siamez. Të dy partitë një. Jo, jo ata me LSI-në të dy kot janë. Kot e kanë se një parti janë. Por, nuk e marr vesh se përse paraqisni dy amendamente kur jeni një parti.”
Ridvan Bode: “Rritja e të ardhurave në buxhet nuk është një çështje dëshirash dhe nuk mund të jetë produkt i nismave individuale që mund të marrë gjithsecili në qoftë se nuk janë të argumentuar.”
Gjatë miratimit të neneve të projektbuxhetit opozita sulmoj ashpër draftin e qeverisë.
Pandeli Majko: "Ky quhet buxheti i Sudes."
Ridvan Bode: “Në korrik takohemi bashkë. Ky është buxheti juaj. Kaq këllqe kishit ju e kaq na dhanë ata që bashkëpunojmë ne. Në korrik në qoftë se ne nuk i biem me një buxhet sublimentar ju keni të drejtë të thoni se keni të njëjta performacë me qeverinë e mëparshme.”
Namik Dokle: “Këta janë paratë përse i mbani rezervë që në korrik të shisni mend me atë punë q kemi bërë ne.”
Sali Berisha: “Lidhur me paratë e bankës dua t’ju siguroj se asnjë qindarkë e saj nuk do të përdoret pa ardhur këtu tek ju në parlament.”
I lodhur nga debati me opozitën ministri i financave Bode ka tentuar të largohet gjatë votimit të projekt buxhetit të qeverisë. Në fillim të seancës shumica parlamentare propozoj që ngritja e komisionit të posaçëm për reformën zgjedhore në respektim të tryezës me presidentin e republikës të realizohet në fillim të sesionit të ardhshëm parlamentar pra në janar.
Jozefina Topalli: “Ju vë në dijeni se kjo është dita e fundit e sesionit. Ka qenë vërtetë një sesion relativisht i shkurt. Kemi kaluar me punën tonë të përbashkët 44 ligje, 15 vendime, 3 rezoluta dhe ju falënderoj për bashkëpunimin.”/tvklan.al
Gazetare: Arta Tozaj
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow rtvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
Ещё видео!