ՔՈ ՁԱՅՆԸ [ Ссылка ]
Հայաստանում Ֆրանկոֆոնիայի օրերի շրջանակում Շվեյցարիայի դեսպանատունը ժամանակակից մոտեցմամբ ներկայացրել է երեք ոլորտ՝ սննդագիտություն, ոսկերչական իրերի դիզայն և թվային երաժշտություն: Այս մասին այսօր հրավիրված մամլո ասուլիսի ժամանակ տեղեկացրել է Հայաստանում Շվեյցարիայի արտակարգ և լիազոր դեսպան Լուկաս Գասերը: Միջոցառումները նախատեսված են մարտի 14, 15, 20 և 21, ինչպես նաև ապրիլի 5-ին: Նախատեսվում է հանրային դասախոսություն՝ «Գինու խաղողի պատմությունը, ծագումը և ապագան» թեմայով, որը կներկայացնի խաղողի գենետիկական հանրաճանաչ մասնագետ Ժոզե Վույամոն: Միջոցառումների շրջանակներում տեղի կունենա նաև Ժնևի արվեստի դպրոցի ուսանողների ոսկերչական գործերի ցուցադրություն, ինչպես նաև Հայաստանում կլինի հայտնի երաժիշտ Օլիվեր Շայնը: «Մեզ համար ուրախալի է Ֆրանկոֆոնիայի օրերի շրջանակում Հայաստանի հանրությանը ներկայացնել Շվեյցարիայի մշակութային բազմազանությունը»,- նշել է դեսպանը լրագրողների հետ զրույցում, Ֆրանկոֆոնիայի շրջանակներից դուրս քաղաքական հարցերի դեսպանը նախընտրել է չպատասխանել:
