Ирон литературæйы бындурæвæрæг, поэт, прозаик, драматург, нывгæнæг æмæ æхсæнадон архайæг Хетæгкаты Къостайы райгуырæн боны фæдыл Цæгат Ирыстоны дарддæр цæуынц алыхуызон мадзæлттæ.
Абон зынгонд фыссæджы кадæн Дзæуджыхъæуы фæсивæдон центры ацыд æмдзæвгæтæ кæсджыты æркаст. Нæ горæты астæуккаг ахуырадон уагдæтты студенттæ бакастысты Хетæгкаты Къостайы æмдзæвгæтæ. Æдæппæтæй конкурсы архайдтой 25 адæймаджы. Æркаст бацæттæ кодта республикæйы фæсивæдон комитет. Аив дзырды дæснытæн аргъ скодтой къамисы уæнгтæ. Уæлахиздзаутæ кадджын уавæры хорзæхгонд æрцæудзысты кады гæххæттытæ æмæ зæрдылдарæн лæвæрттæй.
_________________________
Мы рядом в:
vk.com/irystontv
instagram.com/irystontv
youtube.com/irystontv
twitter.com/irystontv
ok.ru/irystontv
