Rusia do të anulojë një moratorium për vendosjen e raketave bërthamore me rreze të mesme dhe të shkurtër veprimi, pasi Shtetet e Bashkuara të amerikës kanë vendosur armë të tilla në rajone të ndryshme anembanë botës, tha të dielën Ministri i Jashtëm rus Sergei Lavrov. Masa e Rusisë, e sinjalizuar prej kohësh, do të shkatërrojë gjithçka që ka mbetur nga një prej traktateve më të rëndësishme të kontrollit të armëve të Luftës së Ftohtë, mes frikës se dy fuqitë më të mëdha bërthamore në botë mund të hyjnë në një garë të re armësh së bashku me Kinën.
Rusia dhe Shtetet e Bashkuara, që pranojnë se marrëdhëniet e tyre janë në nivelin më të ulët të kohërave, kanë shprehur keqardhje për shpërbërjen e traktateve të kontrollit të armëve, të cilat synonin të ngadalësonin garën e armëve dhe të zvogëlonin rrezikun e të luftës bërthamore. I pyetur nga agjencia shtetërore e lajmeve RIA nëse Rusia mund të tërhiqej nga traktati i ri START para skadimit të tij në shkurt 2026, Lavrov tha se aktualisht nuk ka "kushte" për një dialog strategjik me Uashingtonin. "Sot është e qartë se, moratoriumi ynë për vendosjen e raketave me rreze të shkurtër dhe të mesme veprimi nuk është më praktikisht i zbatueshëm dhe do të duhet të braktiset," tha Lavrov. “SHBA ka injoruar me arrogancë paralajmërimet e Rusisë dhe Kinës dhe ka vendosur armë të këtij lloji në rajone të ndryshme të botës” – tha ai. Traktati i Forcave Bërthamore me Rreze të Mesme veprimi, i nënshkruar nga Mikhail Gorbachev dhe Ronald Reagan në 1987, shënoi herën e parë që superfuqitë kishin rënë dakord të reduktonin arsenalin e tyre bërthamor dhe të eliminonin një kategori të tërë armësh bërthamore.
Shtetet e Bashkuara nën ish-presidentin Donald Trump u tërhoqën zyrtarisht nga Traktati INF në vitin 2019 pasi thanë se Moska po shkelte marrëveshjen, një akuzë që Kremlini e mohoi vazhdimisht dhe e hodhi poshtë si pretekst.
Rusia më pas vendosi një moratorium në zhvillimin e vet të raketave të ndaluara më parë nga traktati INF - raketa balistike me bazë tokësore dhe të lundrimit me rreze nga 500 km deri në 5,500 km. Trump në vitin 2018 tha se donte të përfundonte Traktatin INF për shkak të atyre që ai tha se ishin vite shkeljesh ruse dhe shqetësimeve të tij për arsenalin e raketave me rreze të mesme veprimi të Kinës. SHBA fajësuan publikisht zhvillimin e Rusisë të raketës lundruese të lëshuar nga toka 9M729, e njohur në NATO si SSC-8, si arsyen e largimit të saj nga Traktati INF.



Pamje:AFP


Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: [ Ссылка ]

Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#Moratoriumi#Raketat

свернуть