Ndonëse Tetori është afati i përfundimit të punimeve të Lungomares 2 në Vlorë, Kryeministri Edi Rama ka kërkuar që kjo fazë e projektit të jetë gati për festën e fëmijëve.
Pjesë e këtij projekti është ndërtimi i një plazhi të ri natyral përgjatë buzës së detit, si dhe një plazh urban me rërë mbi shëtitore.
Sakaq janë parashikuar edhe ndërtimi i dy pishinave publike, një olimpike dhe një për fëmijë. Por gjatë inspektimit Rama nuk i kurseu sugjerimet për kryebashkiakun e Vlorës.
Kryeministri tha se pika karburanti në Lungomare nuk u hoq për shkak të ndalimit të shpronësimit me vendim të Gjykatës së Lartë.
Kryeministri inspektoi edhe punimet e By Pass-it të Vlorës, që pritet të sjelle një ulje të trafikut brenda Lungomares.
Me tej Rama pa nga afër ecurinë e punimeve në Bulevardin “Ismail Qemali”, ku rikonstruksioni i fasadave po shkon drejt fundit. Ai njoftoi se së shpejti hapet gara për Parkun e Shtëpisë së Flamurit, që do të lidhë këtë bulevard me Lungomaren.
Më herët, i shoqëruar nga kryebashkiaku i Fierit, Kryeministri Rama inspektoi edhe punimet e Unazës së Vjetër të qytetit.
Projekti që pritet të përfundojë brenda muajit Shtator përfshin rehabilitimin e shëtitores përgjatë lumit Gjanica, si dhe rrugën Jakov Mile. Krahas ndërhyrjeve mbitokësore e nëntokësore, edhe ato në fasadat e pallateve janë pjesë e projektit.
Tv Klan
SUBSCRIBE to “RTV KLAN” on YouTube for more videos!
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow rtvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
