1917թ.-ին սկսվեց բոլշևիկյան հեղափոխությունը: Վտարվեց Ցարը: Խաբված բոլշևիկյան կարգախոսներով՝ ռուսական զորքերը սկսեցին զանգվածաբար նահանջել նաև կովկասյան ռազմաճակատից: Խախտելով Էրզնկայի հրադադարը՝ թուրքերը սկսեցին գրավել ռուսական տիրապետության տակ գտնվող Արևմտյան Հայաստանի տարածքները: Ըստ էության սկսվել էր Անդրկովկասի՝ Ռուսաստանից անջատվելու գործընթացը: Շուտով ստեղծվեց Հայոց ազգային խորհուրդը, Հայկական կորպուսի հրամանատար նշանակվեց գեներալ Նազարբեկովը, իսկ արևմտահայերի դիվիզաիան գլխավորում էր Զորավար Անդրանիկը: Նա փորձեց պաշտպանել Էրզրումը(Կարին), սակայն հայ ժողովուրդը առանձնապես կռվել չէր ցանկանում…. Շուտով ընկավ նաև Կարսը….
