Arben Ahmetaj pritet të merret nën hetim të paktën për akuzën e shpërdorimit të detyrës me rastin e inceneratorit të Elbasanit.

Akuza konfirmohet në shkresën me numër protokolli 1870 datë 9 shkurt, që SPAK ka dorëzuar në Top Channel për këqyrjen dhe marrjen e provave të publikuar në emisionin Inside Story me titull ‘Korrupsioni i Arben Ahmetajt’

Veprimet, siç thuhet aty kryhen në kuadër të hetimeve për dosjen me numër 277 fraksion 1 të hapur vitin e kaluar. Dosja me këtë numër është hetuar nga dy prokurorët Klodian Braho dhe Eneid Nakuçi. Por, shkresa zyrtare që është dorëzuar në Top Channel mban firmën e kreut të SPAK, Altin Dumani dhe prokurores së posaçme, Enkeleda Millonai.

Kjo sugjeron se Klodian Braho dhe Eneid Nakuçi janë tërhequr nga dosja 277 fraksion 1, pas akuzave dhe kallëzimit të bërë ndaj tyre për fshehje të provave që implikojnë ish-ministrin në këtë çështje.

Mosprania e firmave të tyre në këtë shkresë tregon se ata kanë hequr dorë, duke pasur parasysh faktin që ligji dhe rregullorja e funksionimit të SPAK përcakton se as drejtuesi i kësaj prokurorie nuk e ka fuqinë dhe kompetencën t’ua heqë dosjen nga hetimi.

Dy prokurorët janë akuzuar për hetim me standard të dyfishtë të dosjes, ku provat që implikojnë Arben Ahmetajn janë lënë jashtë me qëllim, edhe pse ato kanë qenë në të njëjtat pajisje elektronike të sekuestruara të Klodian Zotos.

Mes provave që dy prokurorët kanë fshehur janë pagesat e hoteleve që Klodian Zoto ka bërë për llogari të Arben Ahmetajt, e deri edhe pronësinë e tërthortë të ish-ministrit të një vile me vlerë gati 1 milionë euro në zonën e Hamallajt.

Vila u publikua ekskluzivisht në Inside Story. Përmes dokumentacioneve, emisioni tregoi se porositësi real për ndërtimin e saj ishte Klodian Zoto, ndërsa përfituesja fundore pas një disa transaksioneve me vlera monetare qesharake ishte Erjola Hoxha, partnerja aktuale e Arben Ahmetajt.


Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Për më shumë vizitoni: [ Ссылка ]

Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#Dumani#TopChannel

свернуть