«ЭКСПО-2017» халықаралық көрмесінің экс-төрағасы Талғат Ермегияевқа 4 миллиард 200 миллион теңге жымқырған деген айып тағылып отыр.

Бұл туралы бүгін Орталық коммуникациялық қызметінде Қазақстан Республикасының Мемлекеттік қызмет істері және сыбайлас жемқорлыққа қарсы қимыл агенттігінің аппарат басшысы Айгүл Шаимова мәлімдеді.

Оның айтуынша, дәл қазір тергеу амалдары жүргізілуде.

Естеріңізге сала кетейік, Талғат Ермегияев 11 маусымда Мемлекет басшысының Өкімімен «Астана ЭКСПО-2017» Ұлттық компаниясы» акционерлік қоғамының басқарма төрағасы қызметінен босатылған еді. Арада 2-3 күн өтпей жатып, заңның құрығына ілінді.

Кейіннен тергеу амалдары барысында оған ҚР ҚК 176-бабының 4-ші тармағы, яғни өзгенің мүлкін жымқыру фактісі бойынша күдікті ретінде танылған еді.

Айгүл Шаимова, ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің аппарат басшысы

-Талғат Ермегияев «Астана ЭКСПО-2017» ұлттық компаниясының бірқатар лауазымды тұлғаларымен және мердігер компанияларының басшыларымен бірге аса ірі көлемде ақша жымқырды деп күдіктелуде. Қазіргі уақытта тергеу амалдары кезінде Ермегияев жымқырылған қаражаттың ішінен заңсыз сыйақы есебінде 4,2 млрд теңге көлемінде қаржы алғаны анықталды. Қазір бұл іс бойынша кезде 10 адам қамауға алынды.

свернуть