Ushtria amerikane njoftoi eleminimin e një udhëheqësi të lartë të grupit xhihadist Shteti Islamik, i cili konsiderohet se ishte duke planifikuar sulme në Europë. Khalid Aydd Ahmad al-Jaburi është vrarë në Siri, edhe pse zonën e saktë, Komanda Qendrore amerikane nuk e zbuloi. Gjatë sulmit, nuk ka pasur asnjë viktimë në radhët e civilëve, theksohet në njoftim.

Dëshmitarë në vendngjarje thonë se një person humbi jetën nga një sulm më dron në rajon veriperëndimor të vendit, të kontrolluar nga opozita. Organizata e Helmetave të Bardha shkroi në Twitter se një dron i paidentifikuar kishte lëshuar një raketë ndaj një burri në periferi të qytetit Kili, në provincën Idlib. “Ekipet tona u përgjigjën dhe e dërguan personin e plagosur në spitalin e Bab Al-Hawa, ku ai ndërroi jetë”, thanë drejtues të saj.

Media opozitare Step News citoi burime lokale ta identifikonin personin si Khalid al Jaburi, një xhihadist I njohur nga provinca lindore e Deir al-Zour. Një tjetër portal opozitar sirian, Enab Baladi, shkruan se I dyshuari kishte mbërritur në zonë 10 ditë përpara dhe se kishte qenë duke folur në telefon në momentin që është shënjestruar nga një raketë Hellfire.

Sipas Komandës Qendrore amerikane, vdekja e tij do të corinetojë për momentin aftësinë e ISIS-it për të organizuar sulme jashtë kufijve, por nuk përmendi saktësisht se cfarë goditjesh kishte planifikuar grupimi I rrezikshëm në Europë dhe në cilat vende.

Pamje: AFP

Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.

Për më shumë vizitoni: [ Ссылка ]

Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#SHBA#ISIS#TopChannelNews

свернуть