An effort to revive a beautiful but dying tradition
Sehra
Rafay-e-Iqbal-e-Arshad sar ta paa sehra tera
Qurrat-ul-Ain-o-qaraar-jaan-fizaa sehra tera
zamzam-pairaa suhaani dhum main jis ki har larri
gulsitaan-dar-gulsitaan naghma-saraa sehra tera
nafhat-e-vard-o-saman say jhoomtay hai do-jahaan
itr-afshaan hai hina, itr-e-hina sehra tera
deedani hai Izz-o-Fer ki shaadmaani ka samaan
jin ki laa-faani mohabbat say saja sehra tera
goonjti hai aasmaanon per Musarrat ki dua
yun hi rakh-shinda rahay sar pay sadaa sehra tera
gungunaata tha sarosh-e-ghaib naghmaat-e-Aden
yun hi to ham nay naheen Rafay kahaa sehra tera!
naazneenaan-e-falak husn-e-aroosi per fida
qudsiyaan-e-aasmaan nay khud bunaa sehra tera
Zahid-o-Shahid kay sab ashfaaq tujh per hain nisaar
Naana-naani ka hua harf-e-dua, sehra tera
kuch idhar fart-e-musarrat say chehekta hai aqeel
khuld main Iqbal-o-Roohi nay parrhaa sehra tera!
Sikander Aqeel Ansari
Rafay Iqbal: groom
Qurrat-ul-Ain: bride
Arshad: bride’s father
Izz: sister
Fer: sister
Musarrat: mother
Zahid and Shahid: maternal uncles
Iqbal and Roohi: grandparents
