Коронавирустың тарауы бойынша "қою қызыл", "қызыл" аймақта орналасқан өңірлер демалыс күні локдаунды сақтауы қажет. Бүгін Үкімет отырысында премьер-министр Асқар Мамин осындай тапсырма берді. Ал қалада сенбі, жексенбі күні жұмыс жасамайтын сауда нысандарының өкілдері өз наразылықтарын жеткізді. Тақырыпты тілшіміз жалғастырады. "Жилгородок" базарының саудагерлері жексенбі күні базар жабық болса, шығынға бататындарын жасырмайды. Оның үстіне 2 күн қатарынан демалыс болса, кейбір азық-түлік өнімдері жарамсыз болып қалады. Жеміс-жидек сатушысының сөзінше, екі күнде 40 000 теңге көлемінде шығынға батады. Сақтықта қорлық жоқ. Мұндағы сауда орындарын жалға алып, жұмыс жасап жатқан 120 саудагер тіркелген. Барлығы да коронавирусқа қарсы екпе алған. Базар директоры Болатбек Шахарбеков локдаун кезінде саудагерлер тарапынан көп шағым болатынын айтады. Облыстық кәсіпкерлер палатасы 2 күн бұрын ведомствоаралық комиссияға "Ашық" қатысушыларына демалыс күндері де жұмыс істеуге рұқсат беруді сұрап, өтініш жіберген. Алайда бүгін Үкімет отырысында премьер-министр Асқар Мамин эпидемиологиялық жағдай бойынша "қызыл" аймақта орналасқан өңірлер демалыс күнгі локдаунды сақтауы қажет екенін айтты. Сондай-ақ, ол халықты екпемен қамтуды арттыру тапсырды. Айта кету керек, өңірдегі эпиджағдай күрделі.
Сайт телеканала [ Ссылка ]
Twitter [ Ссылка ]
Вконтакте [ Ссылка ]
