#BirBax #limon #xalqtəbabəti
#lemon #türkəçarə #azerbaycan
#sağlamlıq #fizuli #herba
Bu videoda sizi təəccübləndirəcək faktlar var. Özü də, limon haqqında. Limonu hər kəs sevir. Çünki onu içən anda yüksək təzyiqi aşağı salır, ürəkbulanma varsa, yox edir, qida yaxşı həzm olunur, əhval ruhiyyəmiz düzəlir və başqa müsbət şeylər. Sizə də maraqlı deyilmi limon bunu təkbaşına necə edir? onun tərkibindəki hansı maddə hər şeyə çarə ola bilir? Bu gün bunu biləcəksiniz.

Yəqin ki, limonun C vitamini mənbəyi olduğunu hamınız bilirsiniz. Limonun faydaları çoxdur. İndi bu faydalardan danışacağam, amma əvvəlcədən qeyd edim ki, hazır alınan limon suyu söhbətimizə daxil deyil. Hazır limon suyu pasterizə edildiyindən C vitamini ilə istədiyimiz qədər zəngin olmur. Faydasından yararlanmaq istəyirsinizsə, təzə limonu sıxın və həmin suyu istifadə edin.

Limonun faydaları bunlardır:

-böyrəklərdə daş əmələgəlmə riskini azaldır;

-dəriyə və həzm prosesinə müsbət təsir edir;

-flavanoidlərlə zəngindir;

Bəli, videomuzda limondakı flavanoidlərdən xüsusi bəhs edəcəyəm. Ümumilikdə, 6 mindən çox flavanoid mövcuddur. Mənsə, limondakı flavanoidlərin birindən-“eriositrin”dən danışacağam. Eriositrinin təsirləri bunlardır:

Qaraciyəri yağlardan təmizləyir. Beləcə, xolesterolun nizamlanmasına, qaraciyərdə başlayan dibaetik prosesin tərsinə çevrilməsinə xidmət edir;

Eriositrindəki antioksidantların əksəriyyəti yaşıl çaydakı antioksidantlarla oxşarlıq göstərib. Yəni eyni təsirə malikdirlər;

Eriositrin`in kapillyar damarların qorunmasında da xüsusi xidməti var;

Sadaladıqlarım eriositrin`in hünərləridir. Bu da o deməkdir ki, limon yeməklə bir çox problemdən yaxa qurtarmaq mümkündür. Diş ətində qanamalar müşahidə edilirsə, şişkinlik varsa, daha çox limon yeməlisiniz. Limon təkcə C vitamini ehtiyacını ödəmir, həmçinin, orqanizmi flavanoidlərlə də təmin edir. Nəticədə, qan dövranı yaxşılaşır. Dabanlar, dirsək dərisi kimi ucqar nöqtələrə qan daşıyan periferik qan dövranı limon sayəsində normallaşır. Əllərdə rəng dəyişməsinə səbəb olan qan dövranı problemləri aradan qalxır, kapillyarların dağılması ilə peyda olan “hörümçək toru” görüntüsü yoxa çıxır.

Limondakı bitki mənşəli qidalar şəkər xəstəliyinə qarşı savaşır. Diabetiklər və ya qanında şəkərin miqdarı yüksək olanlar limonu rasionlarından əksik etməməlidirlər. Məsələn; yüksək şəkərə malik qidanın qəbulundan həmən sonra 1 limonu dilimləyib yemək lazımdır. Bu zaman limondakı fito qidalar və flavanoidlər oksidativ stressi aradan qaldıracaq, “yaxşı xolesterol”u inkişaf etdirəcək.

Limonun xroniki venoz çatışmazlıq riskini azaltdığı da bəzi elmi araşdırmalar nəticəsində məlum olub. Venalarla bağlı bu problemlər varsa, limondakı flavanoidlər revmatoid artrit və ya artritin digər növlərinin mövcudluğu zamanı iltihablanmanın çoxalmasının qarşısını alır. Limondakı birləşmələr qlikasiya adlanan vəziyyəti də azaldır. Qlikasiya şəkərin protein və yağ ilə bağlanmasıdır. Bu da proteinin orqanizmdə istifadə edilməz hala gəlməsinə və tıxanıqlıqlara səbəb olur. Limondakı flavanoidlər, birbaşa olaraq, bu vəziyyətin yaranmasını əngəlləyir.

Limondakı flavanoidlər iltihablanmanı azaltdıqları üçün fibroz əmələ gəlməsini və laxtalanmanı da minimuma endirir. Həmçinin, bir çox insanın mövcudluğundan belə, xəbəri olmadığı insulin müqavimətiylə, qan təzyiqi problemləriylə, metabolik sindromla mübarizə aparır. Flavonoidlər diabetik kardiomiopatiya adlanan problemin önünə keçmək qabiliyyətində də sahibdirlər. Bu problem yalnız ürəkdəki damar sistemi ilə bağlı deyil, ürək əzələsi ilə də əlaqəlidir. Flavanoidlər arteriyanın daxili divarlarının daha çox xəsarətə məruz qalmasına imkan vermir, arteriyada və ürək əzələlərində yığıntıların əmələ gəlməsinə mane olur.

Limonun beyin funksiyalarına müsbət təsirini aşkara çıxaran elmi araşdırmalar da var. Məlum olub ki, limon nevroloji baxımdan da mükəmməl qoruyucudur. Limondakı efir yağları mikrobəleyhinə xüsusiyyətə malikdir.

Bütün bunlar o demək deyil ki, həddən artıq limon yeməlisiniz. Ən yaxşısı, limonu qabığı ilə birgə blenderdən keçirin, 1 stəkan suya qatın və için. Dadlandırmaq üçün 1 damla stevia (şəkər otu) qata bilərsiniz. Qarışım səhərlər acqarına qəbul edilməlidir. Xüsusilə, qanda şəkərin miqdarının artıb-azalmasıyla bağlı problemlər yaşayırsınızsa, diabetiksinizsə, insulin müqavimətiniz varsa, bunu edin. Lakin bir məqamı da unutmayın. Həssas bir mədə quruluşuna sahibsəniz, mədənizdə turşuluq çoxdursa, yaxud qastrit, eroziya kimi problemlərdən əziyyət çəkirsinizsə, çox limon qəbul etmək tövsiyyə edilmir. Bütün hallarda hər şeyi qədərində istifadə etsəniz, yaxşı olar. Çalışın ki sağlam olasınız.

свернуть