Hikmət Məmmədov 1971-ci il noyabrın 22-də Masallı rayonunun Ərkivan qəsəbəsində - sadə bir azərbaycanlı ailəsində doğulub. 1988-ci ildə Moskvada peşə təhsili alıb.
Hikmət Məmmədov təkcə azərbaycanlıların deyil, yaşadığı və fəaliyyət göstərdiyi vilayət sakinlərinin də fəxr etdiyi insandır. Vilayətdə sadə insanlardan tutmuş, tanınmış sənət və elm adamlarına, ictimai-siyasi xadimlərə qədər, hamı onun adını böyük məhəbbət və hörmətlə çəkir.
Bu xidmətlərinin nəticəsidir ki, seçicilər ona böyük etimad göstərərək Vilayət parlamentinin deputatı seçiblər. Bir neçə gün öncə isə Muxtar Vilayət parlamentinin qərarı ilə “Yəhudi Muxtar Vilayətinin fəxri vətəndaşı” adına layiq görülüb. Soydaşımız Vilayət rəhbərliyindən dəfələrlə müxtəlif təltiflər, təşəkkürnamələr alıb.
Hətta 2012-ci ildə Rusiya prezidenti Vladimir Putinin sərəncamı ilə 2-ci dərəcəli “Vətənə xidmətə görə” ordeni ilə təltif olunub. İki dəfə Rusiya Federal Məclisinin Federasiya Şurasının fəxri Fərmanına və “Parlamentarizmin inkişafına verdiyi töhfəyə görə" döş nişanına layiq görülüb. Onun adı həm də məşhur “Forbes” nəşrinə düşən iş admları sırasındadır.
#diaspora #diasporatv #azərbaycanlılardünyada #diasporatvofficial #xəbərlər
