Бир күн келет сени ааламга жетелеп.
Бир күн берет бакытыңды эселеп.
Бүтөлгөндөй туш тарабың жылчыксыз.
Бир күн өтөөр тагдырыңды жемелеп.
Бир күн сызып самолеттой барат шуу.
Бир күн учуп кайрылбаган канаттуу.
Бүт баардыгы жайланышып калганда.
Бир күн келип жан дүйнөңө салат чуу.
Бир күн келет таалайыңа кошуп шаң.
Бир күн келет эки жүрөк кошулган.
Бал сыяктуу ширин ууну жуттуруп.
Бир күн бөлөт ажырашпас досуңдан.
Бир күн минип зуулдаган учкан ат.
Бир жыл күткөн бала жытын жыттатат.
Бийигинде жүрсөң дагы асканын.
Бир күн өтүп өмүр аздан кыскарат.
Бир күн келет ажал сурап атаңды.
Бир күн келет өлүм тооруп апаңды.
Болсо болоор бирок кечтен берсинчи.
Бир күн үчүн миң күн тартчуу капамды.
Бир күн болоор үмүтүңө шам чырак.
Бир күн жомок ак боз атын камчылап.
Бир байрагын көтөрө албай сүйүүнүн.
Бир күн менен бүт сезимдер жанчылат.
Бир күн аалам кубанычка толтурган.
Бир күн жаман жакын бооруң жок турган.:
Билиги өчүп калыш үчүн үмүттүн.
Бир күн арсыз шайтан менен дос кылган.
Бир күн кээде оору берсе жок чыдам.
Бир күн жолуң көрүнбөгөн боз туман.
Бүгүн дагы кагаз карап үңүлүп.
Бир күн менен көңүлсүнүп олтурам
Бир күн акыр кыяматы келет дейт.
Ал күн катаал коркунучтуу мерээз дейт.
Ар амалың өмүрүңдө кылынган.
Бир күн калбай периштелер эсептейт.
Бир күн турса жүрөгүңдү чокко уруп.
Бир күн күйүп алоолонгон от болот.
Биз адамдар ыйман гүлүн соолутсак.
Бир күн менен бул жер жүзү жок болот.
Бир күн келип гүлдүү жерден чаң чыгат.
Бир күн келип күткөн жандар табышат.
Биз алпарсак өткөндөрдү мүрзөгө.
Бир күн келип бизди алып барышат.
БИЗ АЛПАРСАК ӨТКӨНДӨРДҮ МҮРЗӨӨГӨ.
БИР КҮН КЕЛИП БИЗДИ АЛЫП БАРЫШАТ.
