طبعا كلنا عارفين اننا لازم نشرب 8 كوبابات مياه يوميا على الاقل!
طيب عارفين انه مش لازم ولا حاجة! اه والله، حكاية 8 كوبايات مياه دي اسطورة تم الترويج ليها لاغراض تجارية بحتة
مافيش قاعدة عامة فيما يخص كميات الاكل والشرب تنفع لكل الناس
كلنا محتاجين نشرب مياه طبعا باستمرار، لكن احتياج شخص بالغ حجم جسمه كبير معدل نشاطه عالي بيتعرض لدرجات حرارة مرتفعة، اكيد مش هيكون زي شخص مسن معدل نشاطه منخفض جدا وقاعد في التكييف!
شرب المياه اكتر من اللازم ممكن يعرضنا لنقص المعادن، وهقولكم الاعراض دلوقتي
الاصل في مسألة شرب المياه اننا نسمع جسمنا وندخل السوايل كل ما نحتاجها
والأفضل اننا ناكل المياه مانشربهاش.. يعني ناخد اكل فيه كميات كبيرة من المياه زي الخضار والفواكه باعتدال
اعراض نقص المعادن منها الصداع والدوخة وعدم التركيز والشد العضلي
وبس كدة!
