2020 жылға қарай жамбылдық балалар мектепке дейінгі білім беру мекемелерімен 100 пайызға қамтылмақшы.
«Бұл көрсеткішке жетуге жекеменшік-мемлекеттік әріптестік көп көмегін тигізеді», – дейді мамандар. Қазір аймақта 477 мектепке дейінгі білім беру мекемесі жұмыс істеп тұр. Оларға 50 мыңнан астам бала баруда. Жылдан жылға балабақшалар саны артып келеді. Мәселен, былтыр бас-аяғы 37 нысан іске қосылса, олардың 30-ы жеке кәсіпкерлердің арқасында пайдалануға берілген. Биыл облыстағы осындай оқу ошақтарының санын тағы арттыру көзделуде.
Рахия Тұрмаханбетова, облыстық білім беру басқармасының басшысы:
- Биылғы жылға қойып отырған мақсатымыз 5 балабақшаның құрылысын жүргіземіз деп отырмыз. Қазір конкурстық негізде шаралар жүргізілуде. Ал Тараз қаласындағы бір балабақшаны сенімгерлікке береміз деп отырмыз. Мен осы жеке кәсіпкерлерді тарта отырып біз облыстағы балабақшамен қамту мәселесін толығымен шешіп, мақсатты индикаторларды орындаймыз деп ойлаймын.
