Халықаралық ғылыми-зерттеу жүйесіне жойылуға жақын қалған он шақты түркі халқының тілін енгізу мәселесін отандық ғалымдар айтқан болатын. Соның ішінде чуваш халқының да тілі бар.
Бұл бағытта Қазақстан халқы Ассамблеясының ғалымдармен бірігіп атқаратын жұмысы көп. Осы институт жанынан құрылған чуваш халқының мәдени орталығы 20 жылдан астам жұмыс істейді.
Оның бірі – Ертіс өңірінде, ал екіншісі – Ақмола облысында. Павлодар аумағында қазір 700-ге жуық чуваш ұлтының өкілі өмір сүреді.
Ғалымдардың көтерген мәселесіне орай қазір аймақта осы халықтың тілін меңгеруге, салт-дәстүрлері мен әдет-ғұрпын сақтап қалуға шаралар өтіп тұрады.
Елена Сафронова, чуваш этномәдени бірлестігінің төрайымы
-Павлодарда салт-дәстүрлерімізді дәріптеп, насихаттауға зор мүмкіндіктер бар. Кезінде этномәдени бірлестіктің негізін қалаған ақсақалдарымыздың арқасында тарихи Отанымызбен байланыс орнаған. Бір шаңырақ астында тату-тәтті өмір сүріп, ұлттық құндылықтарымыздан қол үзіп қалған жоқпыз. Ортақ байлығымыз – бірлік пен татулық.
