«Хабар» Агенттігің өнімдерін тарататын толқын еліміздің 99% аумағын қамтиды.
Көзі қарақты көрерменді өңірлердегі оқиғалардан сол мезетте құлағдар ететін топ – жаңалықтар қызметі. Әсіресе аймақтағы тілшілер қосыны. Одан бөлек агенттіктің Ресей, Италия, АҚШ, Германия, Оңтүстік Корея, Қытай, Бельгия, Өзбекстанда да өкілдіктері бар. Арна тілшілері қоғамдағы маңызды оқиғаларды назарынан тыс қалдырған емес.
«Хабар» Агенттігінің жаңалықтар қызметі мен Тілеуқабыл Мыңжасардың есімі қатар аталады. Ол Агенттік жұмысын бастаған алғашқы күннен бері осы ұжымда еңбек етіп келеді. Көрерменге арнаның Алматы облысындағы тілшісі ретінде жақсы таныс. Бүгінге дейін жаңалықтардың «генералы» атанған ағамыз 10 мыңнан астам репортаж бен түрлі телехабар даярлаған. Қазақстанның кешегі және қазіргі телевизия тарихында жаңалықтар редакциясында табан аудармастан 25 жыл бойы репортер болып еңбек етіп келе жатқан жалғыз журналист.
