Ақтөбе облысының Егіндібұлақ ауылында 3 жасар баланың үстіне шкаф құлап қайтыс болды. Жазатайым оқиға балабақшада болған.
Ауыр жарақат алған бүлдіршінді тікұшақпен облыстық балалар ауруханасына жеткізген. Жасанды демалту қондырғысымен 5 күн ес-түссіз жатқан бала жансақтау бөлімінде көз жұмды. Оқиға болған жерде қазір тексеру жұмыстары жүріп жатыр.
Самат Көкшібаев, Ақтөбе облыстық балалар ауруханасының нейрохирург дәрігері
-Бала басы, бас сүйегі көп жерден сынған. Бас миы соғылған. Қиын дәрежеде реанимация бөлімінде 5 күн жатып қайтыс болды.
