[ Ссылка ]
[ Ссылка ]
[ Ссылка ]
[ Ссылка ]
Pas takimit me Matthew Palmer dhe Miroslav Lajçak në Prishtinë, kryeministri Albin Kurti duket i palëkundur në qëndrimin e tij për t’i dhënë fund dialogut të deritanishëm me fqinjin verior. Në një komunikim për mediat, Kurti ka deklaruar se Kosova nuk është objekt, por palë në bisedime prandaj mosrespektimi i marrëveshjeve të arritura deri më tani, hap rrugë për një rikonceptim të dialogut. ALBIN KURTIKRYEMINISTER I KOSOVES“Duhet të shohim ku ndodhemi sa i përket marrëveshjeve të dikurshme, zbatimit dhe ndikimit të tyre. Ndërkaq, takimi në Bruksel nuk është vazhdim i dialogut, por është takim i parë, ku për herë të parë do ta kem përballë presidentin e Serbisë, me të cilin nuk jam takuar asnjëherë në jetë, nëse përjashtojmë tryezën me mbi 30 veta në shkurt 2020 në Mynih të Gjermanisë. Ky është takim i parë dhe aty mund të shohim çfarë mund të ketë kapitulli i ardhshëm i dialogut. Është takim për dialogun e ardhshëm, nuk është vazhdim i dialogut të mëhershëm.” Një ditë më parë, shefi i ekzekutivit deklaroi prerë se nuk mund të ketë asociacion etnik në Kosovë dhe fjalën e fundit për këtë e ka thënë Gjykata Kushtetuese. Por presidenti serb, Alexandër Vucic ka reaguar ashpër duke i thënë Kurtit se me qëndrimet e tij, nuk ka vend për bisedime në Bruksel. ALEXANDER VUCICPRESIDENT I SERBISE“Reagimi ynë do të jetë shumë i fortë dhe i mprehtë në lidhje me çështjen e mosrespektimit të marrëveshjeve të nënshkruara nën kujdesin ndërkombëtar dhe Bashkimit Europian. Nëse Albin Kurti mendon se nuk do të duhet të flasë për Bashkimin e Komunave Serbe, por vetëm për ne duke thënë se “Republika e Kosovës” është diçka që ne duhet ta pranojmë dhe njohim, ai nuk ka pse të vijë në Bruksel.” Në lidhje me këtë ccështje, zëvendës sekretari amerikan i shtetit, Methju Palmër dhe i dërguari i BE për dialogun, Miroslav Lajccak, gjatë vizitës zyrtare në Kosovë, deklaruan se palët Asociacioni i komunave me shumicë serbe duhet të zbatohet ashtu sicc palët kanë rënë dakort. Bashkimi i komunave me shumicë serbe parashikohet në Marrëveshjen e parë të Brukselit të arritur mes Prishtinës dhe Beogradit në vitin 2013. Por, në vitin 2015, Gjykata Kushtetuese e Kosovës gjykoi se parimet e asociacionit nuk janë në përputhje me Kushtetutën, por mund të harmonizohen me akt ligjor nga qeveria, gjë që pala serbe e ka refuzuar.Subscribe: [ Ссылка ]

свернуть